मोठ्या भावाचा क्रूरपणे खून,7 महिन्यांपासून गरोदर असलेल्या वहिनीची बलात्कार करुन हत्या, 15 वर्षीय मुलाचं कृत्य

अधिकची माहिती अशी की, बिहारमधील रहिवासी असलेले हे कुटुंब काही काळापासून गुजरातच्या जूनागढपासून सुमारे 50 किलोमीटर अंतरावर असलेल्या एका गावात राहत होते. मृत महिलेच्या माहेरच्या लोकांनी तिच्याशी संपर्क होत नसल्याने संशय व्यक्त केला आणि त्यांनी विसावदर पोलिसांकडे संपर्क साधल्यावर या भयानक गुन्ह्याचा पर्दाफाश झाला. पोलिस तपासानुसार आरोपी मुलगा स्थानिक डेअरीमध्ये काम करत होता. तो आपल्या मोठ्या भावावर संतप्त होता, कारण भाऊ त्याला नेहमी मारहाण करत असे आणि त्याच्या कमाईचे पैसे घेत असे. या रागातूनच त्यानं लोखंडी रॉडनं भावाच्या डोक्यावर जोरदार वार केले. वार इतके जबरदस्त होते की भावाचा जागीच मृत्यू झाला.

हेही वाचा : 'धर्माच्या नावावर लोकांना आंधळं केलं की..', 'पुन्हा शिवाजीराजे भोसले' सिनेमा पाहिल्यानंतर राज ठाकरेंची पोस्ट

वहिनीने हा सगळा प्रसंग स्वतःच्या डोळ्यांसमोर पाहिला आणि भीतीने थरथर कापू लागली. तिनं आपला जीव वाचवण्याची विनंती केली, पण आरोपीने अट ठेवली की ती त्याच्याशी संबंध ठेवेल तरच तिचा जीव वाचेल. भयभीत अवस्थेत असलेल्या सहा महिन्यांच्या गर्भवती वहिनीवर त्याने जबरदस्ती केली. नंतर त्याला भीती वाटली की ती सत्य बाहेर सांगेल, म्हणून तिचाही जीव घेतला. त्यानं तिच्या पोटावर गुडघ्याने वार केले आणि गळा आवळून ठार मारलं, अशी माहिती पोलिसांनी दिली.

गुन्हा लपवण्यासाठी आरोपी मुलगा आणि त्याची आई दोघांनी मिळून मृतदेह घराजवळच पाच फूट खोल गाडून ठेवले आणि कपडे जाळून पुरावे नष्ट करण्याचा प्रयत्न केला. पोलिसांनी जेव्हा मृतदेह बाहेर काढले, तेव्हा पुरुषाचं डोकं चिरडलेल्या अवस्थेत होतं आणि महिलेला गळा आवळून मारण्यात आल्याचं स्पष्ट झालं.

मृत महिलेच्या माहेरच्यांनी जेव्हा सासूशी संपर्क साधण्याचा प्रयत्न केला तेव्हा तिनं सांगितलं की दोघांचा अपघातात मृत्यू झाला आहे. पण जेव्हा त्यांनी अपघाताचे फोटो मागितले, तेव्हा सासूने टाळाटाळ केली. संशय वाढल्याने बिहारमधील खगडियाहून महिलेचे नातेवाईक गुजरातला पोहोचले आणि पोलिसांकडे तक्रार दिली. तपासानंतर पोलिसांनी मुलगा आणि आईला ताब्यात घेतलं. चौकशीत मुलाने भावाचा खून आणि वहिनीवरील अत्याचाराची कबुली दिली. सध्या पोलिसांनी आरोपींच्या विरोधात खून, पुरावे नष्ट करणे आणि लैंगिक अत्याचाराचे गुन्हे दाखल केले आहेत.

इतर महत्त्वाच्या बातम्या 

दाजी, मेहुणी अन् जंगलात सापडला 'तो' मृतदेह... 50 हजार रुपयांची सुपारी देऊन हत्या! मर्डर मिस्ट्री वाचून थक्कच व्हाल