भावाच्या लग्नात बहीण बॉयफ्रेंडसोबत आपल्याच घरी गेली, त्यानं तिच्या कपाळावर किस करत मिठी मारली, नंतर बाथरुममध्ये...

crime news : नवरदेवाच्या बहि‍णीला लग्नसोहळ्यापासून काही अंतरावर नेत तिची हत्या करण्यात आली आहे. आपली मुलगी दिसत नसल्याने महिलेच्या आईनं पाहिले पण ती कुठेच दिसली नाही.

crime news

crime news

मुंबई तक

• 08:00 AM • 29 Nov 2025

follow google news

बातम्या हायलाइट

point

शिवानीच्या कपाळावर किस घेत तिची हत्या केली

point

विनयने त्या रात्रीची संपूर्ण कहाणी सांगितली

Crime news : उत्तर प्रदेशातील गोरखपूरच्या रसूलपूर गावात विवाह सुरु असताना काही अंतरावर मन हेलावणारी घटना घडली. नवरदेवाच्या बहि‍णीला लग्नसोहळ्यापासून काही अंतरावर नेत तिची हत्या करण्यात आली आहे. आपली मुलगी दिसत नसल्याने महिलेच्या आईनं पाहिले पण ती कुठेच दिसली नाही. जेव्हा ती आपल्या घरी गेली असता, महिलेचा मृतदेह हा बाथरूममध्ये रक्ताच्या थारोळ्यात आढळला होता. तिची बोटंही कापण्यात आली होती, जमिनीवर रक्ताचा सडा पडला होता. मृत महिलेचं नाव शिवानी असे होते, ही घटना 23 नोव्हेंबर रोजी उशिरा रात्री घडली आहे. 

हे वाचलं का?

हे ही वाचा : तरुणीने प्रेमविवाह केल्यानं कुटुंबियांचा संताप, काकासह भावाने गळा दाबून संपवलं, नंतर तिचे कपडे काढून... रेल्वे ट्रॅकवर...

हत्येमागील प्रकरण काय? 

या हत्या प्रकरणातील आरोपीचे नाव हे विनय असे आहे. या प्रकरणात आता पोलिसांनी त्याला अटक केली आहे. या घटनेनं परिसर हादरून गेला आहे. विनयने शिवानीचा खून करण्याआधी तिच्या कपाळावर किस घेऊनच तिची हत्या केली. या धक्कादायक प्रकारानंतर शिवानीच्या आईने तिचा शोध घेतला असता, तिचा मृतदेह बाथरूममध्ये रक्ताच्या थारोळ्यात आढळला होता. 

शिवानी आणि तिचा पती निषाद यांचे 9 मे रोजी विवाह झाला होता. शिवानी लहान असताना तिच्या वडीलांचा मृत्यू झाला होता, त्यानंतर तिच्या आईने आपल्या मुलीला तळहाताच्या फोडाप्रमाणे जपलं होतं. पण, लग्नसमारंभात तिची हत्या करण्यात आली. 

पोलिसांनी आरोपीला केली अटक 

या प्रकरणात पोलिसांनी विनयच्या मुसक्या आवळल्या आहेत. त्यानंतर चौकशी त्याची केली असता, त्याने अनेक धक्कादायक कारणं सांगितली आहेत. विनयने सांगितलं की, त्याचं शिवानीवर खूप प्रेम होते, नंतर ते दोघेही भर लग्नातूनच गायब झाले. त्यानंतर पोलिसांचे पथक हे घटनास्थळी दाखल झाले. तेव्हाच पोलिसांना विनयवर संशय आला. त्याने फोन रेकॉर्ड तपासले असता, शिवानी आणि विनय एकमेकांशी संवाद साधू लागल्याचे उघड झाले. घटनेच्या रात्रीही ते एकमेकांच्या संपर्कात आले होते. 

विनयने त्या रात्रीची संपूर्ण कहाणी सांगितली

पोलिसांनी विनयला ताब्यात घेतले आणि त्याची चौकशी केली. अशातच विनयने खूनाचा कबुलीनामा दिला. तो शिवानीवर खूप प्रेम करतो आणि तो तिला इजा करू शकत नाही असे त्यानं सांगितलं. विनय शिवानीवर प्रेम करत होता हे स्पष्ट झाले. पोलिसांनी त्याची चौकशी सुरु केली. शेवटी, पोलिसांच्या दबावाखाली येऊन विनयने त्या रात्रीची संपूर्ण कहाणी सांगितली. 

हे ही वाचा : कमला पसंद अन् राजश्री पान मसाला कंपनीच्या मालकाच्या सुनेची आत्महत्या, ओढणीने घेतला गळफास

शिवानीच्या कपाळावर किस घेत तिची हत्या 

पोलीस चौकशीत विनयने सांगितले की तो गेल्या तीन वर्षांपासून शिवानीसोबतच प्रेमसंबंध होता. अशातच आता शिवानी त्याला सोडण्यास तयारच नव्हती. तिने वारंवार त्याला लग्नासाठी विनंती केली. त्याने तिला अनेकदा समजावण्याचा प्रयत्न केला, परंतु शिवानी त्याला सोडण्यास तयार नव्हती. आता तिच्या पालकांच्या घरीच राहण्याचा आग्रह धरू लागली होती. पण, त्याने तिला अनेकदा सासरी जाण्यास सांगितलं, मात्र, तिने नकार दिला. शेवटी त्याने तिच्या कपाळावर किस घेतला आणि नंतर तिला मिठी मारत तिच्या मानेवर विळ्याने हल्ला केला. नंतर तिची बोटेही छाटण्यात आली. 

या प्रकरणात पोलिसांनी सांगितलं की, एसपी नॉर्थ प्रसाद म्हणाले की, प्रकरण सोडवण्यासाठी तीन पथके तयार करण्यात आली होती. फॉरेन्सिक टीम, डॉग स्क्वॉड आणि सर्व्हिलन्स टीमच्या मदतीने प्रकरण सोडवण्यात आले आणि आरोपीला अटक केली.

    follow whatsapp