मुंबई तक
पिंपरी चिंचवड मतदारसंघाचे भाजपचे आमदार लक्ष्मण जगताप यांचे मंगळवार (3 डिसेंबर) प्रदीर्घ आजाराने निधन झाले.
जगतापांच्या निधनाने महाराष्ट्र भाजपला पंधराच दिवसात दुसरं मोठं नुकसान झालं आहे.
कारण साधारण पंधरा दिवसांपूर्वीच म्हणजे 22 डिसेंबर 2022 रोजी भाजप आमदार मुक्ता टिळक यांचं निधन झालं होतं.
मुक्ता टिळक-लक्ष्मण जगतापांनी राज्यसभा आणि विधानपरिषदेत अतिशय प्रतिकूल परिस्थितीत देखील पक्षासाठी मतदान केलेलं.
भाजपसाठी ही दोन्ही मतं फार महत्त्वाची ठरली होती. कारण विजयानंतर BJPने अचानक गिअर चेंज करुन थेट सत्ताबदल घडवलेला.
आपल्या पक्षासाठी समर्पण भावनेने शेवटपर्यंत कर्तव्य बजावणारे आमदार गमावल्याने भाजपची पुण्यात मोठी हानी झाली आहे.
दोन्ही आमदारांच्या निधनामुळे दोन्ही मतदारसंघात पोटनिवडणुका जाहीर केल्या जातील. ज्यामध्ये भाजप कोणाला उमेदवारी देणार हे पाहणं महत्त्वाचं ठरणार आहे.