मुंबई तक
लोकलमधील वाढती गर्दी आणि त्यामुळे प्रवाशांमध्ये बसण्यावरून होणाऱ्या वादांचे प्रमाण दिवसेंदिवस वाढत आहे.
कल्याण-टिटवाळा लोकलमध्ये असाच एक भयंकर प्रकार घडला आहे.
लोकलमध्ये बसण्याच्या जागेवरुन हा वाद झाल्याचं समोर येत आहे.
या वादात वयोवृद्ध बबन हांडे-देशमुख ( 65 ) यांची हत्या झाल्याची घटना समोर आली आहे.
लोकलमध्ये चढताना किंवा बसण्यामुळे हा वाद झाला असावा, याच वादातून झालेल्या मारहाणीत हत्या झाली असावी, अशी प्राथमिक माहिती समोर आली.
या प्रकरणी एकाला ताब्यात घेतलं असून पोलीस अधिक तपास करत आहेत.
पोलिसांनी दिलेल्या माहितीनुसार, धावत्या लोकलमध्ये लगेज डब्यात या वयोवृद्ध व्यक्तीची हत्या करण्यात आली आहे.
मृत बबन हांडे-देशमुख यांची हत्या धारदार शस्त्राने करण्यात आलेली आहे.