Mumbai Goa Expressway accident : 2 भयंकर अपघात, 14 प्रवासी जागीच ठार

मुंबई-गोवा महामार्गावर झालेल्या दोन अपघातांमध्ये 14 प्रवाशांनी जीव गमावला... अपघातात जखमी झालेल्या बालकाचा उपचारादरम्यान मृत्यू
Mumbai-Goa highway accident : 14 people killed when a car collided head-on with a truck
Mumbai-Goa highway accident : 14 people killed when a car collided head-on with a truck

मुंबई-गोवा महामार्गावर दोन भीषण अपघात झाले. पहिल्या अपघातात 10 जणांचा मृत्यू झाला, तर दुसऱ्या अपघातात 4 जणांचा मृत्यू झाला असून, 23 प्रवासी जखमी झाले. पहिला अपघात ट्रक आणि इको कारचा झाला, तर दुसरा अपघात खासगी बसचा झाला आहे.

रायगड : इको आणि ट्रकचा भीषण अपघात 9 जण जागीच ठार, बालकाचा उपचारादरम्यान मृत्यू

मुंबई गोवा महामार्गावर अपघातांची मालिका सुरूच असून, गुरुवारी (19 जानेवारी) रायगड जिल्ह्यातील माणगाव तालुक्यातील गोरेगाव हद्दीत पहाटे 4 वाजून 45 मिनिटांच्या सुमारास मौजे रेपोली येथे भीषण अपघात झाला.

लोटे एमआयडीसीकडून मुंबईकडे जाणारा ट्रक (MH 43 U 7119) आणि मुंबईकडून हेदवी गुहागर येथे जाणारी इको कार (MH 48 BT 8673) या दोन्ही वाहनांची जोराची धडक झाली. धडक इतकी भयानक होती की, त्यामध्ये ईको गाडीचा अक्षरशः चक्काचूर झाला.

या अपघातामध्ये इको गाडीतील पाच पुरुष व तीन महिला व एका लहान मुलीचा अशा एकूण 9 जणांचा जागीच मृत्यू झाला. एक बालक जखमी झाला होता. दुर्दैवाने त्याचाही उपचारादरम्यान मृत्यू झाला आहे.

मुंबई-गोवा महामार्गावर अपघातग्रस्त झालेल्या कारची अशी अवस्था झाली.
मुंबई-गोवा महामार्गावर अपघातग्रस्त झालेल्या कारची अशी अवस्था झाली.

मयत सर्व नातेवाईक असल्याची माहिती असून, ते हेदवे गुहागर येथील रहिवासी होते. अपघाताची माहिती मिळताच गोरेगाव पोलीस ठाण्याचे पोलीस कर्मचारी त्वरित घटनास्थळी दाखल झाले आणि त्यांनी मदतकार्य सुरू करून वाहतूक देखील सुरळीत केली.

मुंबई-गोवा महामार्गावर कार-ट्रकचा अपघात झाला, यात कारचा चक्काचूर झाला.
मुंबई-गोवा महामार्गावर कार-ट्रकचा अपघात झाला, यात कारचा चक्काचूर झाला.

गोवा महामार्ग अपघात : खासगी बस उलटली, 4 जागीच ठार

दरम्यान दुसऱ्या अपघातात पुण्याहून गोव्याकडे जाणाऱ्या खासगी प्रवासी बसचा महामार्गावर हळवल फाटा येथे भीषण अपघातात झाला. या अपघातात 4 ठार तर अन्य प्रवासी जखमी झाले आहेत. दहा जणांची प्रकृती गंभीर आहे. जखमींवर येथील उपजिल्हा रुग्णालय व खाजगी दवाखान्यात उपचार सुरू आहेत. बस मध्ये एकूण 37 प्रवासी होते.

या अपघातात शैलजा प्रेमानंद माजी (वय 56, दोडामार्ग) व अण्णा गोविंद नाले (वय 52, सातारा) अशी मृतांची नावे असल्याची माहिती पोलीस सूत्रांनी दिली.

पुण्याहून गोव्याकडे जाणारी सदरची खासगी बस गुरुवारी पहाटे 5:30 वाजण्याच्या सुमारास हळवल फाटा येथे आली. त्यावेळी चालकाचा ताबा सुटून बस पलटी झाली. यात या दोघाजणांचा मृत्यू झाला.

मुंबई-गोवा महामार्गावर खासगी प्रवासी बस उलटली. या अपघातात 2 प्रवाशांचा मृत्यू झाला, तर 23 प्रवाशी जखमी झाली.
मुंबई-गोवा महामार्गावर खासगी प्रवासी बस उलटली. या अपघातात 2 प्रवाशांचा मृत्यू झाला, तर 23 प्रवाशी जखमी झाली.

अपघाताची माहिती मिळताच स्थानिक नागरिक तसेच उपविभागीय पोलीस अधिकारी विनोद कांबळे, पोलीस निरीक्षक अनिल जाधव, पोलीस उपनिरीक्षक श्रीमती बर्गे, पोलीस उपनिरीक्षक श्री पाटील, किरण मेथे तसेच पोलीस कर्मचाऱ्यांनी तातडीने घटनास्थळी धाव घेतली.

जखमींना लागलीच उपजिल्हा रुग्णालयात दाखल करण्यात आले. उपजिल्हा रुग्णालयात त्यांच्यावर तातडीने उपचारही सुरू करण्यात आले असून त्यातील दहा जणांची प्रकृती गंभीर असल्याचे पोलिसांनी सांगितले.

Related Stories

No stories found.
logo
Mumbai Tak
www.mumbaitak.in