घटस्फोटानंतर पतीने घरातील मांजरीसाठीही दिली पोटगी, तीन महिन्याला 10 हजार रुपये मोजणार; नेमकं प्रकरण काय?

Alimony For Cats : तुर्कीमध्ये एका घटस्फोटित जोडप्याने आपल्या पाळीव प्राण्यांसाठी घेतलेला निर्णय सध्या चर्चेत आहे. इस्तंबूलमध्ये राहणारे बुगरा बी. आणि एझगी बी. या जोडप्याने परस्पर संमतीने घटस्फोट घेतला असला, तरी त्यांनी त्यांच्या मांजरींबाबत घेतलेली जबाबदारी समाजात एक वेगळेचं उदाहरण घालून देणारी ठरली आहे.

केवळ कस्टडी देऊन त्यांनी हात झटकले नाहीत, पोटगीही देणार

घटस्फोटाच्या प्रक्रियेदरम्यान दोघांनी मिळून एक अनोखी अट आपल्या कायदेशीर करारात समाविष्ट केली. या अटीनुसार, पती बुगरा बी. यांनी त्यांच्या दोन मांजरींची कस्टडी पूर्णपणे घटस्फोटीत पत्नी एझगी बी. हिच्याकडे देण्याचा निर्णय घेतला. मात्र, केवळ कस्टडी देऊन त्यांनी हात झटकले नाहीत, तर त्या मांजरींच्या काळजीसाठी दर तीन महिन्यांनी 10,000 तुकीं लिरा एझगीला देण्याचेही त्यांनी मान्य केले आहे.

हेही वाचा : 'धर्माच्या नावावर लोकांना आंधळं केलं की..', 'पुन्हा शिवाजीराजे भोसले' सिनेमा पाहिल्यानंतर राज ठाकरेंची पोस्ट