Kalyan Railway Station Suicide Case: कल्याण: कल्याण रेल्वे स्टेशन (Kalyan Railway Station) परिसरातील स्कायवॉकला (Skywalk) लटकून एका तरुणाने गळफास घेत आत्महत्या (Suicide) केल्याची धक्कादायक घटना समोर आली आहे. या घटनेने परिसरात काही काळ घबराटीचं वातावरण पसरलेलं. दरम्यान, घटनेची माहिती मिळताच कल्याण पोलिसांनी घटनास्थळी धाव घेत मृतदेहला खाली उतरून तात्काळ शवविच्छेदनासाठी हॉस्पिटलमध्ये पाठविण्यात आला आहे. (hanged himself from a 50 feet high skywalk what really happened near kalyan railway station)
तरुणाने जीवाला कंटाळून आत्महत्या केल्याची प्राथमिक माहिती पोलिसांनी दिली आहे. विठ्ठल मिसाळ असे या तरुणाचे नाव असून तो मूळचा बीड जिल्ह्यातील रहिवासी असल्याची माहिती समोर आली आहे.
कल्याण स्टेशन परिसरातील स्कायवॉकला लटकून विठ्ठलने गळफास घेत आत्महत्या केल्याची दुर्दैवी घटना आज पहाटेच्या सुमारास घडली. पहाटे स्टेशन परिसरात असलेल्या काही जणांनी एक मृतदेह लटकताना पाहिला आणि येथे घबराटीचं वातावरण पसरलं. त्यानंतर काही जणांनी याबाबतची माहिती पोलिसांना दिली.
धक्कादायक! न्यूड फोटो व्हायरल करण्याची धमकी दिल्याने पुण्यात १९ वर्षीय तरूणाची आत्महत्या
घटनेची माहिती मिळताच महात्मा फुले पोलिस व अग्निशमन दलाने घटनास्थळी धाव घेत मृतदेह खाली उतरवून शवविच्छेदनासाठी पाठवला. या तरुणाने आपल्या आईवडिलांना फोन करून सांगितले की, मी जीवाला कंटाळलो आहे, त्यामुळे आत्महत्या करत आहेत. अशी माहिती महात्मा फुले पोलीस ठाण्यातील पोलिसांनी दिली आहे.
मध्य रेल्वेच्या मार्गावरील कल्याण रेल्वे स्टेशन हे जंक्शन असल्याने या स्टेशनवर देशभरात मेल एक्स्प्रेस आणि लांबपल्याच्या गाड्यांसह लोकलने लाखो प्रवासी येथून दररोज प्रवास करतात. त्यामुळे या स्थानकावर 24 तास प्रवाशांची ये-जा सुरू असते. यामुळे कल्याण रेल्वे परिसर हा दिवसरात्र नागरिकांनी गजबलेला असतो.
‘ये रिश्ता क्या कहलाता’ फेम वैशाली ठक्करची आत्महत्या, सुसाईड नोटमुळे कारण आलं समोर
त्यातच स्टेशन समोर प्रवाशांना ये-जा करण्यासाठी स्कायवॉक उभारला आहे. असं असतानाही आज पहाटेच्या सुमारास स्कायवॉकच्या खालच्या बाजूने म्हणजे जमिनीपासून 50 ते 60 फूट उंचावर तरुणाने गळफास कसा घेतला याबाबत आता सवाल उपस्थित केले जात आहेत.
आज (7 फेब्रुवारी) पहाटे चार वाजल्याच्या सुमारास एक मृतदेह स्कायवॉकला लटकलेला दिसून आला. त्यावेळी काही नागरिकांनी याचं व्हिडिओ चित्रीकरण करून तो व्हिडिओ व्हायरल केला.
