Pune Accident : दोघांना उडवलं, लोकांनी घेरताच म्हणाला, "पाहिजे तेवढे पैसे घ्या, पण..."

त्यापैकी अमीन शेख याने दिलेल्या माहितीनुसार, अपघातानंतर ज्यावेळी अल्पवयीन मुलाला तेथे उपस्थित असलेल्या लोकांनी मारहाण केली तेव्हा मुलगा ओरडत होता. 'तुम्हाला पाहिजे तेवढे पैसे घ्या, मला मारहाण करू नका, मी पाहिजे तेवढे पैसे आत्ताच देईन.' असं तो वारंवार म्हणत असल्याचं अमीन शेखने सांगितलं.

हेही वाचा : MVA महाराष्ट्रात 'या' जागा जिंकणार? सट्टा बाजाराचा मोठा अंदाज

अपघातस्थळावरील CCTV मध्ये प्रत्यक्षदर्शी अमीन शेखही दिसत आहे. फुटेजमध्ये स्पष्टपणे दिसतंय, की त्याने रस्ता ओलांडला आणि काही सेकंदात एक पोर्श कार त्याच्या मागून गेली आणि त्यानंतर अनिषच्या दुचाकीला धडकली. यामध्ये दुचाकीस्वार अनिष आणि त्याच्या मागे बसलेली अश्विनी कोष्टा यांचा मृत्यू झाला. यानंतर घटनास्थळी उपस्थित असलेल्या जमावाने कारमध्ये उपस्थित असलेल्या मुलाला बेदम मारहाण केली आणि नंतर त्याला पोलिसांच्या ताब्यात दिलं.

'अल्पवयीन आरोपीच चालवत होता कार'

याआधी आणखी एका प्रत्यक्षदर्शीने सांगितले होते की, 'अल्पवयीन आरोपीच कार चालवत होता. त्यांनी सांगितले की घटनेच्या दिवशी पोर्श कारचा वेग खूप जास्त होता. कारने मोटरसायकलला इतक्या जोरात धडक दिली की आम्हाला काहीच समजले नाही. यात मुलीचा जागीच मृत्यू झाला. ती 10 फूट हवेत उडाली आणि खाली माझ्यासमोर पडली.'

हेही वाचा : BJP जिंकणार की नाही, सट्टा बाजाराने कोणाचं वाढवलं टेन्शन?

गाडीच्या सर्व एअरबॅग उघडल्यामुळे आरोपीला घटनास्थळावरून पळून जाण्याची संधी मिळाली नाही. कारमध्ये अल्पवयीन आरोपींशिवाय आणखी दोन ते तीन जण होते. एअरबॅग उघडल्यामुळे हे सर्व लोक कारमधून बाहेर आले, त्यानंतर जमावाने आरोपीला पकडून मारहाण करण्यास सुरुवात केली. आरोपीला पकडले आणि पोलीस घटनास्थळी पोहोचल्यानंतर त्याला पोलिसांच्या ताब्यात देण्यात आले.