पुण्यात शिक्षकाकडून 27 वर्षीय शिक्षिकेचा विनयभंग, आरोपी विरोधात गुन्हा दाखल

ADVERTISEMENT

Mumbaitak
social share
google news

पुणे: पुणे शहर हे विद्येच माहेरघर म्हणून ओळखलं जातं. पण याच शहरात 27 वर्षीय शिक्षिकेचा तिच्या सोबत काम करणार्‍या शिक्षकाकडून विनयभंग झाल्याची धक्कादायक घटना घडली आहे. यामुळे एकच खळबळ उडाली असून आरोपी विकास पवार विरोधात भारती विद्यापीठ पोलीस स्टेशनमध्ये गुन्हा दाखल करण्यात आला आहे.

पोलिसांनी दिलेल्या माहितीनुसार, पीडित महिलेकडे 12 वीचे पेपर तपासण्यासाठी होते. त्यावेळी त्यांना काही अडचणी आल्यास, त्या आरोपी विकास पवार यांना फोन करीत असत. त्यातून त्यांची चांगली मैत्री झाली होती.

त्याचदरम्यान आता शेवटचा पेपर तपासून झाला असल्याने काल (सोमवार) दुपारी अडीच वाजण्याच्या सुमारास आरोपी विकास पवार पीडित महिलेला म्हणाला की, आपण लस्सी पिण्यास जाऊ, त्यावर त्या हो म्हणाल्या आणि कात्रज येथील एका डेअरी येथे लस्सी पिण्यास गेले.

हे वाचलं का?

ADVERTISEMENT

तेव्हा आरोपी विकास पवार याने पीडित महिलेचा हात पकडल्याची घटना घडली. या प्रकरणी पीडित महिलेने दिलेल्या तक्रारीनुसार विकास पवारच्या विरोधात विनयभंगाचा गुन्हा दाखल करण्यात आल्याचे सांगण्यात आले. दरम्यान, आरोपीला अटक करुन त्याला कठोर शासन करण्यात यावं अशी मागणी पीडित महिलेने केली आहे.

पुणे: वडील-भावाकडून 11 वर्षीय मुलीवर अनेकदा बलात्कार, तर आजोबा आणि मामाकडून विनयभंग

ADVERTISEMENT

पुण्यात मुलाने बाथरूममध्ये मोबाइल लपवून केलं शिक्षिकेचं चित्रीकरण

ADVERTISEMENT

ट्युशनसाठी घरी येणाऱ्या शिक्षिकेचं बाथरूमध्ये मोबाइल लपवून 16 वर्षांच्या मुलाने चित्रीकरण केल्याचा धक्कादायक प्रकार पुण्यात चारच दिवसांपूर्वी समोर आला होता. हा मुलगा सध्या दहावीत शिकत असून त्याच्या आई-वडिलांनी त्याच्यासाठी मागील पाच वर्षांपासून इंग्रजीची खासगी शिकवणी लावली होती. हा मुलगा 10 वर्षांचा असल्यापासून ही शिक्षिका त्याला इंग्रजी शिकवते.

ही शिक्षिका कोथरूडमध्ये त्याच्या घरी शिकवायला जात होती. गुरूवारी नेहमीप्रमाणे ही शिक्षिका त्या मुलाच्या घरी बाथरूमचा वापर करायला गेली असता त्या शिक्षिकेला साबणाच्या खोक्याच्या मागे काहीतरी चमकता दिसलं. साबणाचं खोकं बाजूला केलं असता त्यामागे मोबाईल लपवण्यात आला असल्याचं आणि व्हीडिओ रेकॉर्डिंग सुरू असल्याचं शिक्षिकेला लक्षात आलं आहे. त्यानंतर शिक्षिका मोबाईल घरी घेऊन गेली आणि तिने मोबाईल तपासला.

हा मोबाईल पाहून शिक्षिकेच्या पायाखालची जमीन सरकली. त्यामध्ये या शिक्षिकेचं बाथरूममध्ये केललं चित्रीकरण दिसून आलं. एवढंच नाही तर इतर आक्षेपार्ह फोटो आणि व्हीडिओही आढळून आले. यानंतर या शिक्षिकेने पुण्यातील अलंकार पोलीस ठाण्यात 16 वर्षांच्या अल्पवयीन मुलाविरोधात तक्रार दिली.

पोलिसांनी या प्रकरणी आय.टी. अॅक्टनुसार मुलाविरोधात गुन्हा दाखल केला आहे. हा मुलगा अल्पवयीन असल्याने बालकल्याण विभागाच्या अधिकाऱ्यासमोर त्याला हजर करण्यात येणार आहे.

    follow whatsapp

    ADVERTISEMENT