Water Logging मुळे अंधेरी सब वे बंद, मुंबई ठिकठिकाणी पावसाच्या सरी

मुंबई तक

ADVERTISEMENT

Mumbaitak
social share
google news

अंधेरी येथील सब वे हा पावसाचं पाणी साठल्याने बंद करण्यात आला आहे. आज सकाळपासूनच मुंबईत मोठ्या प्रमाणावर पाऊस पडतो आहे. त्यामुळे अंधेरीतील सब वे भागात पाणी साठलं आहे. याच कारणामुळे हा सब वे बंद करण्यात आला आहे. या ठिकाणी महापालिकेतील आपात्कालीन विभागाचे कर्मचारी उभे राहिले आहेत आणि पर्यायी मार्गांचा वापर करा असे सांगत आहेत.

रायगड जिल्ह्यालाही अतिवृष्टीचा धोका, जिल्हाधिकाऱ्यांकडून सतर्कतेचे आदेश

मुंबईत मान्सूनचं आगमन झालं की त्याचा पहिला फटका बसतो तो मुंबईची लाईफलाईन म्हणून ओळख असलेल्या मुंबई लोकल सेवेला. आज मुंबईत मान्सूनचं आगमन झाल्याची माहिती हवामान विभागाने दिली आणि या पावसाचा पहिलाच फटका लोकल सेवेला बसला आहे. सेंट्रल रेल्वे मार्गावर कुर्ला ते सीएसएमटी मार्गावरची लोकल सेवा रेल्वे प्रशासनाने बंद केली होती. यानंतर पावसाचा जोर पाहता ही सेवा ठाणे ते सीएसएमटी पर्यंत बंद ठेवण्याचा निर्णय सेंट्रल रेल्वे प्रशासनाने घेतला आहे.

हे वाचलं का?

ADVERTISEMENT

दुसरीकडे हार्बर रेल्वे मार्गावरही पावसाचा फटका लोकल सेवेला बसला आहे. चुनाभट्टी रेल्वे स्थानकाजवळ पाणी भरल्यामुळे १० वाजून २० मिनीटांनी सीएसएमटी ते वाशी मार्गावरची सेवा बंद करण्यात आली आहे. पश्चिम रेल्वे मार्गावर सध्या पावसाचा कोणताही फटका बसलेला नसून ट्रान्स हार्बर मार्गावरची सेवाही सुरळीत सुरु असल्याचं कळतंय. ठाणे-कर्जत, ठाणे-कसारा, वाशी-पनवेल मार्गावरील सेवा सुरळीत सुरु असल्याची माहिती जनसंपर्क अधिकाऱ्यांनी दिली.

Monsoon in Mumbai : पहिल्याच पावसात मुंबईची दाणादाण

ADVERTISEMENT

मुंबईसह, ठाणे, पालघर, रायगड, रत्नागिरी, सिंधुदुर्ग, धुळे, नंदुरबार, जळगाव, नाशिक अहमदनगर या जिल्ह्यांना पुढील ५ दिवस सतर्क राहण्याचे आदेश देण्यात आले आहेत. पहिल्या दोन दिवसांमध्ये बहुतांश जिल्ह्यांमध्ये वादळी वाऱ्यांसह मुसळधार पाऊस पडण्याचा अंदाज वर्तवण्यात आला आहे. १२ जूनपर्यंत पावसाचा जोर राज्यात कायम राहणार आहे. बंगालच्या उपसागरा निर्माण झालेल्या कमी दाबाच्या पट्ट्यामुळे राज्यात हा पाऊस पडत आहे.

ADVERTISEMENT

मुंबईत आज दिवसभर वातावरण ढगाळ राहणार असून शहर आणि उपनगर भागात जोरदार पाऊस पडण्याची शक्यता आहे. आतापर्यंत मुंबईच्या ई वॉर्डात सर्वाधिक पावसाची नोंद झाली आहे. मुंबई शहरात आतापर्यंत ४८.९९ एम.एम. , पूर्व उपनगरात ६६.९९ एम. एम. तर पश्चिम उपनगरात ४८.७८ एम.एम. पावसाची नोंद झाली आहे.

    follow whatsapp

    ADVERTISEMENT