खासदार उदयनराजेंविरोधात अपशब्द वापरणाऱ्या उद्योजकाला बेदम मारहाण, ७ जणं अटकेत

छत्रपती उदयनराजे म्हणजे गुंड असल्याची टीका अशोक जिंदल यांनी केली होती. यानंतर संतप्त झालेल्या शिवधर्म फाऊंडेशनच्या कार्यकर्त्यांनी काल संध्याकाळी जिंदल यांना इंदापूरमध्ये गाठत त्यांना बेदम मारहाण केली. यावेळी जिंदल यांना त्यांच्या गाडीबाहेर खेचून कपडे फाडत त्यांच्या तोंडाला काळंही फासण्यात आलं.

जिंदल यांना मारहाण केल्याचा व्हिडीओ सोशल मीडियावर व्हायरल झाला. दरम्यान या प्रकारानंतर जिंदल यांनी पोलिसांत तक्रार दाखल केली. ज्यानंतर पोलिसांनी शिवधर्म फाऊंडेशनच्या दिपक काटे, अमोल पवार, कुणाल चव्हाण, प्रदीप भोसले, किरण साळुंखे, अक्षय चव्हाण, सुनील वायकर यांना अटक केली आहे.