Cruise Drug Party : ड्रग्ज प्रकरणात आणखी दोघांना अटक; न्यायालयापुढे करणार हजर

मुंबईतील गोरेगाव परिसरात एनसीबीची धाड : एकाला जहाजावरील कारवाईवेळीच घेतलं होतं ताब्यात
Cruise Drug Party : ड्रग्ज प्रकरणात आणखी दोघांना अटक; न्यायालयापुढे करणार हजर
एनसीबीने 2 ऑक्टोबर रोजी कॉर्डेलिया क्रूझ जहाजावर केली होती कारवाई.

एनसीबीने उघडकीस आणलेल्या क्रूझ जहाजावरील रेव्ह पार्टी प्रकरणात आता आणखी दोन जणांना अटक कऱण्यात आली आहे. एनसीबीने सोमवारी रात्री ही कारवाई केली. यात पार्टीत सहभागी झालेल्या व्यक्तीसह ड्रग्ज पेडलकरचा समावेश आहे.

मुंबई अंमली पदार्थ विरोधी पथकाने कॉर्डेलिया क्रूझ जहाजावर सुरू असलेल्या रेव्ह पार्टीवर 2 ऑक्टोबर रोजी धाड टाकली होती. या कारवाईत एनसीबीने आठ जणांना अटक केली होती. तर काही जणांना ताब्यात घेतलं होतं.

या प्रकरणात आता आणखी दोघांना अटक करण्यात आली आहे. एनसीबीच्या पथकाने सोमवारी ही कारवाई केली. यातील एकाला क्रूझवरील कारवाईवेळी ताब्यात घेण्यात आलं होतं. तर दुसरा आरोपी ड्रग्ज पेडलर असून त्याला जोगेश्वर परिसरातून अटक करण्यात आली आहे.

एनसीबीने जोगेश्वरी परिसरात धाड टाकली होती. यावेळी ड्रग्ज पेडलरला अटक करण्यात आली. त्याच्याजवळ मेफेड्रोन ड्रग्ज सापडले. एनसीबीने दिलेल्या माहितीनुसार अटक करण्यात आलेल्या दोघांना आज (5 ऑक्टोबर) न्यायालयापुढे हजर केलं जाणार आहे.

एनसीबीने 2 ऑक्टोबर रोजी कॉर्डेलिया क्रूझ जहाजावर केली होती कारवाई.
Aryan Khan Arrest : कोण आहेत अरबाज मर्चंट,मुनमुन धमेचासह अटकेतील 8 आरोपी?

एनसीबीने रेव्ह पार्टीचा पर्दाफाश केल्यानंतर आठ जणांना चौकशीसाठी ताब्यात घेतलं होतं. यात अभिनेता शाहरुख खानचा मुलगा आर्यन खानचाही समावेश होता. चौकशी आणि वैद्यकीय चाचणी केल्यानंतर एनसीबीने आठ जणांवर अटकेची कारवाई केली.

एनसीबीने 2 ऑक्टोबर रोजी कॉर्डेलिया क्रूझ जहाजावर केली होती कारवाई.
आर्यन खानच्या कोठडीत तीन दिवसांची वाढ, जाणून घ्या कोर्टात काय काय घडलं?

एनसीबीने वैद्यकीय चाचणीनंतर आर्यन खान, मुनमुन धमेचा आणि अरबाज मर्चंट यांना न्यायालयासमोर हजर केलं होतं. त्यांना सुरुवातीला 4 ऑक्टोबरपर्यंत कोठडी सुनावली होती. त्यानंतर सोमवारी तिघांना पुन्हा न्यायालयात हजर करण्यात आलं. न्यायालयाने तिन्ही आऱोपींना 7 ऑक्टोबरपर्यंत कोठडी सुनावली आहे.

Related Stories

No stories found.