मलिकांच्या इशाऱ्यांनंतर फडणवीसांच्या ट्विटची चर्चा; म्हणाले, डुकराशी कुस्ती…
क्रूझ ड्रग्ज पार्टी प्रकरणावरून सुरू झालेले आरोप-प्रत्यारोपांच्या फैरी आता अंडरवर्ल्डपर्यंत पोहोचल्या आहेत. राष्ट्रवादी काँग्रेसचे नेते तथा राज्याचे अल्पसंख्याक मंत्री नवाब मलिक (Nawab...
ADVERTISEMENT
क्रूझ ड्रग्ज पार्टी प्रकरणावरून सुरू झालेले आरोप-प्रत्यारोपांच्या फैरी आता अंडरवर्ल्डपर्यंत पोहोचल्या आहेत. राष्ट्रवादी काँग्रेसचे नेते तथा राज्याचे अल्पसंख्याक मंत्री नवाब मलिक (Nawab Malik) यांनी आज (10 नोव्हेंबर) पत्रकार परिषद घेत देवेंद्र फडणवीस (Devendra Fadnavis) यांच्याबद्दल मोठं विधान केलं. मुख्यमंत्री (Chief Minister Of Maharashtra) असताना फडणवीसांनी अंडरवर्ल्डच्या मदतीने शहराला कशाप्रकारे ओलीस ठेवलं हे उघडं करणार असल्याचं मलिक म्हणाले. मलिकांच्या या विधानानंतर देवेंद्र फडणवीस यांनी केलेलं एक ट्वीट चर्चेच्या केंद्रस्थानी आलं आहे. (Devendra fadnavis new tweet)
नवाब मलिक यांच्या खळबळजनक आरोपांनंतर आता विरोधी पक्षनेते देवेंद्र फडणवीस यांनी ‘मी फार आधीच शिकलोय’ असं ट्विट केलं आहे. देवेंद्र फडणवीस पत्रकार परिषद घेऊन मलिकांना काय उत्तर देणार, याकडे सगळ्यांच लक्ष लागलेलं असतानाच फडणवीसांनी हे ट्विट केलं.
मलिक विरुद्ध फडणवीस : ‘त्यांचं एकच लक्ष्य आहे’; अमृता फडणवीसांचा नवाब मलिकांवर ‘ट्वीट’ हल्ला
हे वाचलं का?
ADVERTISEMENT
देवेंद्र फडणवीस यांनी केलेलं हे ट्विट म्हणजे जगप्रसिद्ध इंग्रजी लेखक जॉर्ज बर्नाड शॉ यांच्या पुस्तकातील एक कोट आहे. ‘मी फार आधीच शिकलोय की, डुकराशी कुस्ती खेळायची नसते. अशी कुस्ती खेळून तुम्ही स्वतः तर घाणीने माखून जाताच, पण यात डुकरालाच मजा येत असते.’
मलिकांच्या पत्रकार परिषदेनंतर हे ट्वीट करण्यात आल्यानं फडणवीस यांचं हे ट्विट म्हणजे नवाब मलिकांना दिलेलं उत्तर असल्याचं म्हटलं जातं आहे. तात्काळ आलेल्या या ट्विटमुळे वेगवेगळे तर्कही लढवले जात आहेत. फडणवीसांनी मलिकांना थेट उत्तर देणं टाळल्याचं म्हटलं जात आहे.
ADVERTISEMENT
Thought of the day ?? pic.twitter.com/PkLiHS3GVW
— Devendra Fadnavis (@Dev_Fadnavis) November 10, 2021
Nawab Malik: नवाब मलिकांचा ‘हायड्रोजन बॉम्ब’, फडणवीसांचे अंडरवर्ल्डशी संबंध असल्याचा गंभीर आरोप
ADVERTISEMENT
मलिकांनी काय केले आरोप?
नवाब मलिक यांनी आज (10 नोव्हेंबर) पत्रकार परिषद घेऊन देवेंद्र फडणवीसांवर गंभीर आरोप केले. फडणवीसांच्या संरक्षणात राज्यात बनावट नोटांचं रॅकेट चालवण्यात आल्याचा दावा मलिकांनी केला. तसंच मुन्ना यादव, रियाज भाटी, हाजी अराफत यांची नाव घेत फडणवीसांवर हल्लाबोल चढवला. याच पार्श्वभूमीवर देवेंद्र फडणवीस यांनी केलेलं ट्विट मलिकांना प्रत्युत्तर असल्याचं मानलं जात आहे.
ADVERTISEMENT