माळशेज घाटात दरड कोसळून चारचाकी गाडीचा चक्काचूर

विजय म्हात्रे हे ११ जून दरम्यान माळशेज घाटात प्रवास करत होते. या प्रवासादरम्यान त्यांना लघुशंका येत असल्यामुळे ते मुरबाड जवळली बोगद्याजवळ थांबले. याचवेळी दरड विजय म्हात्रे यांच्या गाडीवर कोसळली आणि गाडीचा चक्काचूर झाला. सुदैवाने या अपघातात कोणतीही जिवीतहानी झाली नाही. परंतू गाडीची अवस्था पाहता जर गाडीचालक यावेळी गाडीत उपस्थित असता तर नक्कीच दुर्घटना घडली असती. दरम्यान या घटनेची माहिती मिळताच पोलिसांनी घटनास्थळी येऊन दरड हटवत गाडी बाजूला काढत वाहतूक सुरळीत केली.