पुण्यातील संतापजनक घटना! 14 वर्षाच्या मुलीचं अपहरण; आठ जणांनी केला सामूहिक बलात्कार

या घटनेची वानवडी पोलिसांनी माहिती दिली. पीडित मुलगी गावी जाण्यासाठी पुणे रेल्वे स्टेशन येथे गेली होती. तेव्हा तेथील एक रिक्षाचालक तिचा विश्वास संपादन करून रिक्षामधून एका खोलीत घेऊन गेला. तिथे गेल्यावर तिच्यावर 8 जणांनी बलात्कार केला.

अत्याचार करणाऱ्या नराधमांमध्ये 6 रिक्षाचालक आणि दोन रेल्वेमध्ये कार्यरत चतुर्थ श्रेणी कर्मचारी आहेत.

या घटनेची माहिती मिळताच पोलिसांनी घटनास्थळी धाव घेतली. पोलिसांनी रेल्वे स्टेशन परिसरातील सीसीटीव्हीच्या आधारे 8 ही आरोपींची ओळख पटवली आणि आरोपींना काही तासांतच बेड्या ठोकल्या.

पुणे : बिबट्याचा हल्ला की,…; १९ वर्षीय तरुणीचा विहिरीत मृतदेह सापडल्याने खळबळ

या प्रकरणी गुन्हा दाखल करण्यात आला असून, सर्व आरोपींना न्यायालयासमोर हजर करण्यात आलं. तसेच पीडित मुलीला रूग्णालयात दाखल केले असून, तिच्यावर उपचार सुरू आहेत. पीडितेची प्रकृती स्थिर असल्याचं वानवडी पोलिसानी सांगितलं.

आठवडाभरापूर्वीही घडली होती बलात्काराची घटना

पुण्यातील जनता वसाहत परिसरात 28 ऑगस्ट रोजी सामूहिक बलात्काराची घटना घडली होती. २५ वर्षीय पीडित तरुणी स्वारगेटवरून आपल्या घरी कात्रजला जात होती. यावेळी तिला चारपैकी एक आरोपी भेटला. ‘तुला घरी सोडतो’, असं म्हणून पीडितेला जनता वसाहतीत घेऊन गेला. तिथे त्यांनी पीडित तरुणीवर सामूहिक बलात्कार केला होता.

पुणे : रात्रभर टिव्ही राहिला सुरू… पत्नीचा घेतला जीव; पतीने गळा आवळून केली हत्या

सायंकाळी पावणे सहा वाजताच्या सुमारास पर्वती पायथा येथील गल्ली नंबर ८ मधून एका महिलेनं फोन करून पोलिसांना सांगितलं की, ‘एका महिलेचा घरातून रडण्याचा आवाज येत आहे. तिला मदतीचा गरज आहे.’ ही माहिती मिळाल्यानंतर पोलीस तत्काळ घटनास्थळी दाखल झाले. त्यानंतर पोलिसांनी दरवाजा तोडला. घरात जाऊन बघितल्यानंतर ही घटना समोर आली होती.