‘अर्धनग्न वस्त्र घालून इकडे-तिकडे फिरणं ही…’, Karuna Munde संतापल्या

उर्फीच्या कपड्यांवरून चित्रा वाघ यांनी टीका केली. दोघींमध्ये वाद वाढला. त्यात चित्रा वाघ यांनी राज्य महिला आयोगाच्या अध्यक्ष रुपाली चाकणकर यांना ओढलं. त्यानंतर चाकणकर आणि वाघ यांच्यात वाद सुरू झाला. चाकणकरांनी वाघ यांना थेट नोटीस पाठवली. हा वाद सुरू असतानाच सुषमा अंधारेंनी यात उडी घेत अमृता फडणवीसांवर निशाणा साधला.

Urfi Javed : ‘म्हणूनच उर्फी पूर्ण कपडे घालत नाही’… अखेर कारण आलं समोर

तीन-चार महिलांनंतर करुणा मुंडेंनीही या प्रकरणात उडी घेतली. त्या म्हणाल्या, ‘आज उर्फी जावेदच्या कपड्यांवरून वाद सुरू आहे. मी देखील तिच्या कपड्यांना विरोध करते. अर्धनग्न वस्त्र घालून इकडे-तिकडे फिरणं ही सर्वच महिलांसाठी लज्जास्पद गोष्ट आहे. ज्या महिला राजकारणी उर्फीला पाठिंबा देत आहेत त्यांना मी सांगते, तुम्हाला लाज वाटली पाहिजे…तुम्ही चुकीच्या गोष्टींचे समर्थन करत आहात.’

उर्फी अडल्ट स्टार बनतेय? नवा Video पाहून यूजर्स म्हणाले…

‘ज्या-ज्या महिला उर्फीच्या मताशी सहमत आहेत त्या सर्व बिनडोक आहेत.’ असं म्हणत करुण मुंडे चित्रा वाघांच्या मदतीला धावल्या आहेत. तसेच त्यांनी रुपाली चाकणकर, सुषमा अंधारे यांच्यावर अप्रत्यक्ष निशाणा साधला आहे.

आता या प्रकरणी करुणा मुंडे यांना रुपाली चाकणकर किंवा राष्ट्रवादी काँग्रेस कशा प्रकारे उत्तर देणार हे पाहणं महत्त्वाचं आहे. पण हे प्रकरण इथेच शांत होईल असं चित्र सध्या तरी दिसत नाही.

त्यामुळे आता हे प्रकरण पुढे आणखी वाढण्याची शक्यता आहे. उर्फी जावेदचे कपडे आणि त्यावरून सुरू असलेल्या वादाबद्दल अनेक वेगवेगळ्या प्रतिक्रिया पाहायला मिळत आहेत.