Maharashtra Corona Cases: दिवसभरात किती रुग्ण सापडले, महाराष्ट्रातील कोरोनाची नेमकी स्थिती काय?

ADVERTISEMENT

Mumbaitak
social share
google news

मुंबई: महाराष्ट्रात (Maharashtra) मागील 24 तासात कोरोनाचे (Corona Paitents)8296 नवे रुग्ण आढळून आले आहेत. महाराष्ट्रातील कोरोना रुग्णांची संख्या अद्यापही म्हणावी त्या प्रमाणात नियंत्रणात आलेली नाही. त्यामुळे प्रशासनाची चिंता अद्यापही कायम आहे. त्यातच नवनवे व्हेरिएंट सापडत असल्याने अधिक धास्ती वाढली आहे. दरम्यान, दिवसभरात 179 रुग्णांचा मृत्यू झाल्याचं समोर आलं आहे. आतापर्यंत राज्यात 1,25,528 जणांचे कोरोनाने प्राण घेतले आहेत.

गेल्या 24 तासात राज्यात 8296 नवे पॉझिटिव्ह रुग्ण सापडले आहेत. मागील महिन्यात रुग्णांच्या आकड्यात घट होत होती. मात्र राज्यातील नियम शिथिल केल्यानंतर पुन्हा कोरोनाचे रुग्ण वाढत असल्याचं दिसून येत आहे. राज्यात सध्या 1 लाख 14 हजार अॅक्टिव्ह रुग्ण आहेत.

राज्यात 10 जुलै रोजी 6,026 रुग्ण बरे होऊन घरी परतले आहेत. राज्यात आतापर्यंत एकूण 59,06,466 कोरोना बाधित रुग्ण बरे होऊन घरी परतले आहेत. यामुळे राज्यातील रुग्ण बरे होण्याचे प्रमाण (Recovery Rate) 96.05 टक्के एवढं झालं आहे. राज्यात गेल्या 24 तासात 179 कोरोना बाधित रुग्णांचा मृत्यू झाला आहे. सध्या राज्यातील मृत्यूदर हा 2.04 टक्के एवढा आहे.

हे वाचलं का?

ADVERTISEMENT

आजपर्यंत तपासण्यात आलेल्या 4,38,00,139 प्रयोगशाळा नमुन्यांपैकी 61,49,264 (14.04 टक्के) नमुने पॉझिटिव्ह आले आहेत. सध्या राज्यात 5,85,580 व्यक्ती होम क्वारंटाईनमध्ये आहेत तर 4,737 व्यक्ती संस्थात्मक क्वारंटाईनमध्ये आहेत. राज्यात सध्या 1,14,000 ॲक्टिव्ह रुग्ण आहेत.

महाराष्ट्रातील प्रमुख शहरं आणि अॅक्टिव्ह रूग्णांची संख्या

ADVERTISEMENT

  • मुंबई (Mumbai) – 11 हजार 558

ADVERTISEMENT

  • ठाणे (Thane) – 16 हजार 598

  • पुणे (Pune) – 18 हजार 237

  • नागपूर (Nagpur) – 2 हजार 289

  • नाशिक (Nashik)- 3 हजार 477

  • कोल्हापूर (Kolhapur) – 13 हजार 806

  • अहमदनगर (Ahmednagar) – 3 हजार 362

  • सातारा (Satara) – 7 हजार 939

  • सांगली (Sangli)- 11 हजार 465

  • औरंगाबाद (Aurnagabad)- 827

  • Covid-19 vaccination: कोरोना लसीमुळे Heart Inflammation ची शक्यता, FDA चा इशारा

    प्रमुख शहरांमधील अॅक्टिव्ह रूग्णांची संख्या विचारात घेतल्यास पुण्यात आणि सर्वाधिक अॅक्टिव्ह रूग्ण आहेत. पुण्यात 18 हजारांहून जास्त अॅक्टिव्ह रूग्ण आहेत. तर याशिवाय ठाणे जिल्ह्यात देखील रुग्णांचा आकडा अत्यंत झपाट्याने वाढत आहे. तर दुसरीकडे कोल्हापूरमध्ये देखील सध्या 13 हजारांपेक्षा जास्त अॅक्टिव्ह रूग्ण आहेत.

    मुंबईत दिवसभरात सापडले 504 रूग्ण पॉझिटिव्ह

    मुंबईत दिवसभरात 504 कोरोना रूग्ण पॉझिटिव्ह आढळले आहेत. तर 13 कोरोना रुग्णांचा मृत्यू झाला आहे. दिवसभरात 736 रूग्णांना डिस्चार्ज देण्यात आला आहे. आत्तापर्यंत मुंबईत एकूण 7 लाख 27 हजार 141 रूग्ण बरे झाले आहेत. मुंबईतील कोरोना रूग्ण बरे होण्याचे प्रमाण अर्थात रिकव्हरी रेट हा 96 टक्के आहे. डबलिंग रेट 909 दिवसांवर गेला आहे.

      follow whatsapp

      ADVERTISEMENT