Rahul Gandhi: 150 दिवस, 3570 किमी अंतर, कंटेनरमध्ये रात्र; असा असेल भारत जोडो यात्रेचा प्रवास

आजपासून राहुल गांधी भारत जोडो यात्रेला सुरूवात करणार आहेत. हा प्रवास तामिळनाडूतील कन्याकुमारीपासून सुरू होऊन काश्मीरपर्यंत असणार आहे.
Rahul Gandhi: 150 दिवस, 3570 किमी अंतर, कंटेनरमध्ये रात्र; असा असेल भारत जोडो यात्रेचा प्रवास

आजपासून राहुल गांधी भारत जोडो यात्रेला सुरूवात करणार आहेत. हा प्रवास तामिळनाडूतील कन्याकुमारीपासून सुरू होऊन काश्मीरपर्यंत असणार आहे. राहुल गांधी तामिळनाडूत पोहोचले आहेत. प्रथम ते श्रीपेरुंबुदूरला पोहोचले. येथेच त्यांचे वडील राजीव गांधी यांची हत्या झाली होती. राहुल गांधी यांनी त्यांच्या समाधी स्थळासमोर बसून प्रार्थना केली. त्यांच्यासोबत काँग्रेस नेते डीके शिवकुमारही होते. राजीव गांधी 1991 मध्ये येथे शहीद झाले होते. राहुल गांधी पहिल्यांदाच तिथे पोहोचल्याचे सांगण्यात येत आहे.

राहुल गांधी संध्याकाळी कामराज स्मारक आणि इतर ठिकाणीही भेट देतील. दुपारी साडेचारच्या सुमारास स्टॅलिन त्यांच्याकडे तिरंगा सुपूर्द करतील. त्यानंतर सायंकाळी 5.30 वाजता जाहीर सभेला संबोधित करून यात्रेची औपचारिक सुरुवात होईल. राहुल गांधी आणि त्यांच्यासोबत प्रवास करणारे सुमारे 60 कंटेनर प्रवास करणार आहेत. राहुल गांधी यामध्येच आपली रात्री काढतील. कंटेनरमध्ये 4 ते 12 लोक राहू शकतात अशी व्यकस्था करण्यात आली आहे.

राहुल गांधींच्या यात्रेत कोणीही हॉटेलमध्ये राहणार नाही

भारत जोडो यात्रेअंतर्गत मोकळ्या मैदानात एक गाव बांधण्यात येईल. जेव्हा यात्रा पुढच्या जागेवर जाईल, तेव्हा तेच गाव एखाद्या मोकळ्या मैदानात उभे केले जाईल. कोणीही पंचतारांकित हॉटेलमध्ये किंवा हॉटेलमध्ये कुठेही राहणार नाही. लांबचा प्रवास असल्याने खूप उष्णता किंवा आर्द्रता असेल, म्हणून फक्त एसी वापरला आहे. डास आणि किड्यांपासूनही संरक्षण करायचे आहे.

काँग्रेसमध्ये नवा उत्साह भरण्याची तयारी

म्हणायला ही राहुल गांधींची 'भारत जोडो यात्रा' आहे, पण वास्तव हे आहे की काँग्रेस आजवरच्या सर्वात कठीण टप्प्यातून जात आहे. राहुल गांधी त्यांच्यात नवीन जोम आणण्याचा प्रयत्न करत आहेत. राहुल गांधी आज भारताच्या दक्षिणेकडील तामिळनाडूमधील कन्याकुमारी येथून भारत जोडो यात्रेला सुरुवात करत आहेत. राहुल गांधींचा हा प्रवास जवळपास 150 दिवस चालणार आहे. यादरम्यान 3,570 किमीचा प्रवास केला जाणार आहे.

तामिळनाडूमध्ये सायंकाळी 5 वाजता यात्रेला सुरूवात होणार

'भारत जोडो यात्रे'चा उद्देश देशात प्रेम आणि बंधुता पसरवणे हा असल्याचे काँग्रेसचे म्हणणे आहे. तर राजकीय तज्ज्ञांचे मत वेगळे आहे. 2024 च्या निवडणुकीपूर्वी पंतप्रधान मोदींना पराभूत करण्यासाठी ही यात्रा राहुल गांधींचा मास्टर स्ट्रोक मानली जात आहे. राहुल गांधी आज सायंकाळी 5.00 वाजता जाहीर सभेला संबोधित करणार आहेत. यानंतर भारत जोडो यात्रेची औपचारिक सुरुवात होईल. तामिळनाडूचे मुख्यमंत्री एमके स्टॅलिन दुपारी 4.30 वाजता राहुल गांधींना तिरंगा सुपूर्द करतील.

भारत जोडो यात्रा 150 दिवस चालणार

यात्रा सुरू होण्यापूर्वी राहुल गांधी कन्याकुमारी येथील विवेकानंद रॉक मेमोरियल, तिरुवल्लुवर पुतळा आणि कामराज मेमोरियललाही भेट देणार आहेत. दुपारी चार वाजता महात्मा गांधी मंडपम येथे हा कार्यक्रम होणार आहे. यानंतर भारत जोडो यात्रा पुढे नेण्यात येईल. भारत जोडो यात्रेत दररोज 25 किलोमीटरची पदयात्रा होणार असून 150 दिवसांत प्रत्येक राज्यातील काँग्रेस कार्यकर्ते आणि सर्वसामान्य जनता यात सामील होणार आहे. अनेक ठिकाणी चौपाल आणि सर्वसाधारण सभांचे आयोजनही केले जाणार आहे.

Related Stories

No stories found.
Mumbai Tak
www.mumbaitak.in