गणेशोत्सव २०२१ : रांजणगावच्या बाप्पाला ११११ चिकू आणि मोदकांचा महानैवेद्य

अनंत चतुर्दशीच्या निमीत्ताने आज रांजणगावच्या गणपती मंदिरात आकर्षक फुलांची सजावट करण्यात आली होती. या सजावटीमुळे मंदिराच्या गाभाऱ्याला एक वेगळंच मनमोहक रुप प्राप्त झालं होतं. ११११ चिकू आणि मोदकांचा नैवेद्य यावेळी दाखवण्यात आला. यावेळी मोदक आणि चिकूंचीही आकर्षक पद्धतीने मांडणी करण्यात आली होती.

सलग दुसऱ्या वर्षी कोरोनाच्या सावटामुळे सर्व मंदिर बंद आहेत. रांजणगावचं गणपती मंदिरही भाविकांसाठी बंद होतं. परंतू गणपतीच्या १० दिवसांमध्ये मंदिरात दररोज नित्यनेमाने पुजा आणि सर्व विधी सुरु होते.