”तृणमूल काँग्रेसचे 21 आमदार माझ्या संपर्कात, योग्य वेळेची वाट पाहतोय”; मिथुन चक्रवर्तींचा दावा

भाजप नेते आणि अभिनेते मिथुन चक्रवर्ती यांनी पुन्हा एकदा मोठा दावा केला आहे. सत्ताधारी तृणमूल काँग्रेसचे 21 आमदार अजूनही त्यांच्याशी थेट संपर्कात असल्याचे म्हटले आहे. मिथुन चक्रवर्ती म्हणाले ‘मी हे आधी बोललो होतो आणि आताही म्हणतोय, मी माझ्या भूमिकेवर ठाम आहे. फक्त योग्य वेळेची वाट पाहतोय.’ मिथुन चक्रवर्ती शनिवारी कोलकाता येथील भाजप कार्यालयात पत्रकार परिषदेत बोलत होते. मिथुन चक्रवर्ती पुढे म्हणाले ”मला माहित आहे की तृणमूलच्या नेत्यांना पक्षात घेण्यास आक्षेप आहे. आम्ही कुजलेले बटाटे घेणार नाही, असे अनेकांनी सांगितले आहे. मी तीच चूक पुन्हा करणार नाही.