पुणे-सोलापूर राष्ट्रीय महामार्गावर भीषण अपघात; चौघे जण जागीच ठार

याप्रकरणी पोलिस सूत्रांनी दिलेल्या माहितीनुसार, बोलेरो गाडी मध्ये तीन प्रवासी प्रवास करीत होते. इंदापूर शहरातील पुणे सोलापूर राष्ट्रीय महामार्गावर व्यवहारे पेट्रोल पंपाजवळ अर्टिगा गाडीचा टायर फुटला. ज्यामुळे चालकाचा गाडीवरील ताबा सुटला आणि गाडी समोरून येणाऱ्या बोलेरो गाडीवर जाऊन आदळली. या भीषण अपघातात पंढरपूर तालुक्यातील गुरसाळे गावचे अविनाश कुंडलिक पवार, गणेश पोपट गोडसे, आणि बाळासाहेब चांगदेव साळुंखे यांचा तर ज्योतीराम सूर्यभान पवार (अर्टिगा चालक) या चौघांचा जागीच मृत्यू झाला. पोलिसांनी घटनास्थळावरून दोन्ही गाड्या हटविल्या असून मृतांच्या पंचनामे करण्यासाठी इंदापूरच्या शासकीय रुग्णालयात मृतदेह पाठवण्यात आले आहेत.

काय आहेत मृतांची नावं?

अविनाश कुंडलिक पवार

गणेश पोपट गोडसे

बाळासाहेब चांगदेव साळुंखे

ज्योतीराम सूर्यभान पवार

या प्रकरणी पोलीस आता पुढील तपास करत आहेत. चालकाचा गाडीवरचा ताबा सुटल्याने आणि टायर फुटल्याने हा अपघात झाला. या घटनेत चार जण जागीच ठार झाले. या अपघातात अर्टिगा आणि बोलेरो या दोन्ही कार्सचा अक्षरशः चुराडा झाला आहे. त्यावरूनच ही टक्कर किती भीषण असेल याची कल्पना येते.