अभिनेता आरोह वेलणकरचं सोशल मीडिया अकाऊंट झालं हॅक

आरोहच्या म्हणण्यानुसार, त्याला फेसबुकद्वारे ब्लॅकमेल करण्याचा प्रयत्न करण्यात येतोय. दरम्यान आरोहनं याबाबत पुणे पोलिसांकडे तक्रार केली आहे. पोलिसांचा सायबर गुन्हे विभाग या प्रकरणाची कसून चौकशी करत आहे. यामध्ये एका अज्ञात व्यक्तीने त्याचं फेसबूक अकाऊंट हॅक केल्याची माहिती दिलीये.

आरोहचा एक मॉर्फ व्हिडीओ तयार करण्यात आला आहे. या व्हिडीयोद्वारे त्याला ब्लॅकमेल करण्याचा प्रयत्न करण्यात आल्याचं आरोहने म्हटलंय. इतकंच नाही तर त्या अज्ञान व्यक्तीने आरोहला फोन करुन धमकी दिली. फेसबुकवरुनच त्याला नंबर मिळाला असावा अशी शक्यता आहे.