आमिर खानच्या संपर्कात आल्याने मुख्यमंत्री उद्धव ठाकरेंनाही करावी लागणार कोरोना टेस्ट

मुख्यमंत्री उध्दव ठाकरेंच्या घरी कोरोनाने याआधीच एंट्री घेतली आहे. आदित्य ठाकरे आणि उध्दव ठाकरेंच्या पत्नी रश्मी ठाकरे यांना याआधीच कोरोनाची लागण झाली आहे. त्यातच भर पडली ती आमिर खान दोनच दिवसांपूर्वी उध्दव ठाकरेंच्या संपर्कात आल्याची त्यामुळे उध्दव ठाकरेंना तातडीने सावधगिरी म्हणून कोरोना टेस्ट करावी लागणार आहे.

तत्पूर्वी आमिर खानला कोरोनाची लागण झाल्यानंतर त्याच्या प्रवक्त्याने माहिती दिली की आमिर खानला करोनाचा संसर्ग झाला आहे. तो आता होम क्वारंटाइनमध्ये असून, त्याची प्रकृती उत्तम आहे. तसेच सर्व नियमांचं पालन करत आहे. आमिर खानच्या संपर्कात आलेल्या सर्वांनी खबरदारीचा उपाय म्हणून चाचणी करून घ्यावी.