कपिलचा शो सोडून कृष्णा अभिषेक बनलाय बिग बॉसचा भाग; स्पर्धक म्हणून नाही तर…

कृष्णा अभिषेक बिग बॉसशी निगडित बिग बझमध्ये दिसणार

बिग बॉसशी संबंधित Voot अॅप प्रेक्षकांचा सर्वात लाडका होस्ट कृष्णा अभिषेक यांच्यासोबत ‘बिग बझ’ हा विकली शो प्रसारित करण्यासाठी सज्ज आहे. शोमध्ये कृष्णा बिग बॉसच्या स्पर्धकांसोबत गेम खेळणार आहे. घरातून बाहेर पडल्यानंतर कृष्णा आणि त्याचे कुटुंबीय स्पर्धकांचा क्लास घेतील.

पहायला मिळणार कृष्णाची मजेदार कॉमेडी

कृष्णा बिग बॉसच्या घरातून बाहेर पडणाऱ्या स्पर्धकांशी संवाद साधताना आणि त्यांच्यासोबत गेम खेळताना दिसणार आहे. यासोबतच तो स्पर्धकांबाबत प्रेक्षकांची मतेही घेणार आहे. अशाप्रकारे तो आता प्रेक्षकांसाठी काही अतिरिक्त मसाला घेऊन येत आहे. चाहत्यांचे मनोरंजन करण्यासोबतच कृष्णा अभिषेक या शोदरम्यान त्याच्या मजेदार अवतारात दिसणार आहे.बिग बझ लाँच झाल्यामुळे, बिग बॉसच्या चाहत्यांना बिग बॉसच्या घरात पडद्यामागील क्रेझीनेस आणि रोमांच जाणून घेता येईल. हा शो 9 ऑक्टोबरपासून दर रविवारी फक्त आणि फक्त Voot अॅपवर दिसणार आहे.

बिग बझमुळे कृष्णा आनंदित

या शोबद्दल खूप उत्सुक असलेला कृष्णा अभिषेक म्हणाल, “बिग बॉस हा पहिल्या सीझनपासूनच प्रेक्षकांचा सर्वात आवडता रिअॅलिटी शो आहे. मला आनंद आहे की मला बिग बझ होस्ट करण्याची संधी मिळाली आहे. येथे मी बिग बॉसच्या घरातून बाहेर पडलेल्या स्पर्धकांची क्लास घेणारे आहे आणि घरातील बातम्या प्रेक्षकांपर्यंत पोहोचवणार आहे.

तो पुढे म्हणाला, “घराच्या आत, बिग बॉस स्पर्धकांची क्लास घेतील आणि घराबाहेर मी. नवीन फॉर्मेटसह, मी शोला संपूर्ण नवीन स्तरावर नेईन. मला खात्री आहे की बिग बॉसचे स्पर्धक घरातील कथा उघडपणे सांगतील आणि माझ्या उपस्थितीमुळे शोमध्ये काही अतिरिक्त मसाला आणि तडका येईल, असं कृष्णा म्हणाला.