मराठी मालिकांचं शूटींग महाराष्ट्राबाहेर करण्याच्या निर्णयावर अमेय खोपकर नाराज; म्हणाले…

अनेक मराठी मालिकांनी गोवा, दमण, जयपूर तसंच सिल्वासा अशा विविध राज्यामध्ये चित्रीकरणाला सुरुवात केलीये आहे. मात्र निर्मात्यांनी घेतलेल्या या निर्णयामुळे पडद्यामागे काम करणाऱ्या कामगारांचं फार नुकसान होत असल्याचं अमेय खोपकर यांचं म्हणणं आहे.

pic.twitter.com/MR5s19JQLC

— Ameya Khopkar (@MNSAmeyaKhopkar) April 22, 2021

यासंदर्भात अमेय खोपकर यांनी ट्विट केलंय. ते त्यांच्या ट्विटमध्ये म्हणतात, हिंदीप्रमाणेच मराठी मालिकांचं चित्रीकरण राज्याबाहेर म्हणजेच गोवा, दमण अशा ठिकाणी सुरु होतंय. निर्मात्यांचा नाईलाज समजू शकतो, पण बरेचसे तंत्रज्ञ तसंच कामगार यांना ‘लहान युनिटचा बहाणा करत’ घरीच बसवून वाऱ्यावर सोडून देण्यात आलंय. रंजक वळणावर असलेल्या मालिकांचा प्रेक्षक दुरावू नये याची काळजी करतानाच आपल्याचं सहकाऱ्यांची उपासमार करतोय याचं भान निर्मात्यांनी ठेवलंच पाहिजे.”

मनोरंजनाला नो ब्रेक; मराठी मालिकांचं शूटींग महाराष्ट्राबाहेर सुरु

नुकतंच झी मराठी चॅनेलवरील अनेक मराठी मालिकांचं शूटींग महाराष्ट्राबाहेर केलं जातंय. ‘पाहिले ना मी तुला’ आणि ‘अग्गंबाई सूनबाई’ या मालिकांचं चित्रीकरण गोव्यात केलं जात आहे. ‘येऊ कशी तशी मी नांदायला’ची टीम दमणला गेली आहे. ‘माझा होशील ना’ मालिकेचं शूटींग सिल्वासामध्ये तर ‘चला हवा येऊ द्या’ टीमचा संपूर्ण सेट जयपूरमध्ये उभारण्यात आला असल्याची माहिती आहे.