लस न घेता फिराल तर होऊ शकतो मोठा दंड, जाणून घ्या कोणत्या शहरात घेण्यात आलाय हा निर्णय

आरोग्य वैद्यकीय अधिकारी डॉ. नीता पाडळकर यांनी याविषयी माहिती दिली. औरंबादमध्ये सध्याच्या घडीला ४५ वर्षांच्या पुढील गटात ३ लाखांपेक्षा अधिक लोकांनी लस घेतलेली नाहीये. शहरात ४५ वर्षाच्या पुढील वयोगटातील नागरिकांची संख्या ही साडेचार ते पाच लाखांच्या घरात आहे. परंतू यापैकी फार कमी लोकांनी लस घेतलेली आहे. त्यामुळे लस न घेता रस्त्यावर फिरणाऱ्या लोकांना दंड लावण्याचा निर्णय महापालिका आयुक्त आस्तिककुमार पांडे यांनी घेतला आहे.

Sputnik-V: सीरम आता भारतात बनवणार रशियन बनावटीची स्पुटनिक-V लस, DCGI ची मंजुरी

शहरात लवकरच या निर्णयाची अंमलबजावणी होणार असून बाजारपेठ आणि पालिकेच्या मुख्य हद्दीत नागरिक मित्र पथकाकडून हा दंड आकारला जाणार आहे. याआधीही औरंगाबाद महापालिकेने लस न घेता रस्त्यावर फिरणाऱ्या नागरिकांना ५०० रुपयांचा दंड जाहीर केला होता. ४५ वर्षांवरील व्यक्तींना लस मिळावी यासाठी औरंगाबाद महापालिका ड्राईव्ह इन मोहीम राबवणार आहे.