महत्वाची बातमी ! शरद पवारांनी घेतली PM Narendra Modi यांची भेट

राष्ट्रवादी काँग्रेसचे अध्यक्ष शरद पवार आणि पंतप्रधान नरेंद्र मोदी यांच्यात दिल्लीत आज सकाळी भेट झाली आहे. सूत्रांनी दिलेल्या माहितीनुसार दोन्ही नेत्यांमध्ये सुमारे एक तासभर चर्चा झाली. या भेटीचा तपशील कळू शकला नसला तरीही राज्यातील राजकीय समीकरणांच्या दृष्टीकोनातून ही भेट महत्वाची मानली जात आहे. काही दिवसांपूर्वी मराठा आरक्षणासाठी दिल्लीत चर्चेसाठी गेलेल्या मुख्यमंत्री उद्धव ठाकरेंनीही नरेंद्र मोदींशी खासगीत चर्चा केली होती. या पार्श्वभूमीवर पवारांच्या या भेटीला महत्व प्राप्त झालं आहे.