पार्टी फंडातून लसी आणल्यात का? शिवसेनेच्या पोस्टरबाजीवर काँग्रेस आमदार सिद्दीकी संतापले

Welcome to the Grand vaccination utsav by Shiv Sena in Bandra East. There are more posters than vaccines here. Are vaccines being bought by Shiv Sena personal party fund as I don’t see any mention of MVA anywhere? Stop glorifying openings of vaccination centres, this is our duty! pic.twitter.com/AFM3cyNBcs

— Zeeshan Siddique (@zeeshan_iyc) May 13, 2021

झिशान सिद्दीकी यांनी आपल्या ट्विटर अकाऊंटवर वांद्रे पूर्व मतदार संघात लसीकरण केंद्राच्या उद्घाटनासाठी शिवसेनेने लावलेल्या पोस्टर्सचे फोटोग्राफ टाकत प्रश्न विचारला आहे. “इथे लसींपेक्षा तुम्हाला पोस्टर्सच जास्त दिसतील. या लसी शिवसेना स्वतःच्या पार्टी फंडातून आणते आहे का? कारण मला कुठेही महाविकास आघाडी सरकारचा उल्लेख दिसत नाहीये. लसीकरण केंद्राच्या उद्घाटनाचा गाजावाजा करणं थांबवा, ते आपलं कामच आहे”, असं म्हणत सिद्दीकी यांनी सेनेला टोला लगावला आहे.

याआधीही झिशान सिद्दीकी यांनी वांद्रे पूर्व येखील लसीकरण केंद्राच्या उद्घाटनाला आपल्याला न बोलावल्याबद्दल नाराजी व्यक्त केली होती. यावेळी बोलत असताना सिद्दीकी यांनी शिवसेना नेते अनिल परब आपल्या कामात अडथळा आणत असल्याचा आरोप केला. यानंतर सिद्दीकी यांनी पुन्हा एकदा महाविकास आघाडी सरकारमधील महत्वाचा पक्ष असलेल्या शिवसेनेला आव्हान देण्याचं काम केलं आहे. सिद्दीकी यांच्या आरोपाला शिवसेना नेतृत्व काय उत्तर देतं याकडे सर्वांचं लक्ष असणार आहे.