नागपुरात कोरोना मृत्यूचा उच्चांक, गेल्या 24 तासात किती जणांना गमावले कोरोनामुळे प्राण?

काल (31 मार्च) नागपूरचे पालकमंत्री नितीन राऊत यांनी नागपुरात असलेले कठोर निर्बंध समाप्त करत असल्याची घोषणा केली होती. त्यामुळे नागपूरमध्ये आता फक्त राज्य शासनाचे असलेले निर्बंधच लागू असतील असे स्पष्ट केले होते. पण या गोष्टीला 24 तासही उलटून गेले नाही तोच कोरोना मृतांचा हा नवा आकडा प्रशासनाची चिंता वाढवणारा ठरला आहे.

कोरोनाच्या वाढत्या पार्श्वभूमीवर नागपुरात 15 ते 21 मार्चपर्यंत कडक लॉकडाऊन करण्यात आला होता. यासंबंधी 11 मार्च रोजी पत्रकार परिषद घेऊन नितीन राऊत यांनी घोषणा केली होती. त्यानंतर हा लॉकडाऊन वाढविण्यात येणार अशी देखील चर्चा होती. मात्र, व्यापारी संघटना आणि स्थानिक लोकप्रतिनिधींचा विरोध लक्षात घेता नागपूरमध्ये 31 मार्चपर्यंत कठोर निर्बंध लावण्यात आले होते.

आता हे निर्बंध देखील हटविण्यात आले असून राज्य सरकारने कोरोनासंबंधी जे नवे नियम लागू केले आहेत तेच आता नागपूरमध्ये असणार आहे.

महाराष्ट्रातील वाहनांना गुजरातमध्ये ‘नो एंट्री’, कोरोना निगेटीव्ह रिपोर्ट बंधनकारक

मधल्या काळात नागपूरमध्ये स्थिती नियंत्रणात आली होती. मात्र, गेल्या काही दिवसात पुन्हा रुग्ण वाढत असल्याचे दिसून आले होते. त्यामुळे 15 ते 21 मार्चपर्यंत नागपूरमध्ये लॉकडाऊनचा निर्णय घेण्यात आला होता.

नागपूर शहरात कोरोना बाधित रुग्णांची संख्या मोठ्या प्रमाणात आढळून येत होती. शिवाय काही ग्रामीण भागात ही रुग्ण सापडत असल्याने प्रशासनाने लॉकडाऊनचा निर्णय घेतला होता. पण आता पुन्हा एकदा कोरोनाचे रुग्ण आणि मृतांचा आकडा वाढू लागल्याने सरकार नेमका काय निर्णय घेणार हे पाहणं महत्त्वाचं ठरणार आहे.

नागपुरात 45 वर्षावरील सर्व नागरिकांसाठी आजपासून लसीकरणाला प्रारंभ

दरम्यान, नागपुरात 45 वर्षवरील नागरिकांसाठी लसीकरण कार्यक्रम सुरू झाला आहे. नागपुरात 244 केंद्रांवर हे लसीकरण आजपासून (1 एप्रिल) सुरू झाले आहे. नागपूर जिल्ह्यात 244 केंद्रांपैकी नागपूर शहरांमध्ये 81 केंद्रांवर आणि ग्रामीण भागात 163 केंद्रांवर हे लसीकरण करण्यात येणार आहे. सकाळी आठ ते रात्री दहा वाजेपर्यंत लसीकरण करण्यात येणार आहे.

नागपुरात 31 मार्चपर्यंत कडक निर्बंध कायम राहणार: नितीन राऊत

लसीकरण करताना नागरिकांनी आपलं आधारकार्ड किंवा पॅनकार्ड सोबत बाळगून ऑनलाईन नोंदणी करून केंद्रावर लसीकरण करावे अथवा नागपूर महानगरपालिकेच्या झोन कार्यालयांमधून नोंदणी करावी. असे आवाहन प्रशासनातर्फे करण्यात आले आहे.

45 वर्षावरील नागरिकांसाठी सुरु झालेल्या लसीकरणाबाबत नागरिकांमध्ये चांगलाच उत्साह बघायला मिळत आहे. सकाळपासूनच नागरिकांनी लसीकरण केंद्रांवर गर्दी करायला सुरुवात केली आहे.