उप-राजधानीला कोरोनाचा विळखा कायम ! दिवसभरात ३ हजार २३५ नवे रुग्ण

नागपुरात १५ ते २१ मार्चपर्यंत कडक लॉकडाऊन लावण्यात आला आहे तरीही लॉकडाऊनला हरताळ फासल्याचं चित्र नागपुरात दिसून येतं आहे. कारण लोकांनी रस्त्यांवर गर्दी केली आहे. लॉकडाऊनचे कोणतेही नियम पाळले जात नाहीत लॉकडाऊन हा फक्त कागदावरच उरला आहे हेच चित्र नागपुरात पाहण्यास मिळतं आहे.

नागपुरातल्या रस्त्यांवरची वर्दळ पाहून कुणीही हे म्हणणार नाही की नागपुरात कडक लॉकडाऊन लागला आहे. नागपुरात प्रशासनाने अनेक कठोर निर्बंध लादले आहेत. ज्यामध्ये दुपारी १ नंतर फक्त वैद्यकीय सेवा सोडून बाकी सगळं बंद राहणार आहे. गर्दीवर नियंत्रण मिळवून कोरोना रूग्णांची वाढती संख्या आटोक्यात आणता येईल हा यामागचा उद्देश आहे. परंतू नागपूरकर मुळीच ऐकायला तयार नाहीत, ते खुशाल नियम मोडत आहेत. अशात पोलिसांनी आता नियम मोडणाऱ्यांवरही कारवाई करण्यास सुरुवात केली आहे.