राज्य कोरोनातून सावरतंय, नवीन रुग्णांपेक्षा बरे झालेल्या रुग्णांची संख्या अधिक

Maharashtra reports 39,923 new #COVID19 cases, 53,249 discharges and 695 deaths in the last 24 hours.

Total cases 53,09,215
Total recoveries 47,07,980
Death toll 79,552

Active cases 5,19,254 pic.twitter.com/ocYVBg7nV3

— ANI (@ANI) May 14, 2021

रुग्णसंख्येवर नियंत्रण मिळवण्यासाठी राज्य सरकारने लॉकडाउनची घोषणा केली, ज्यामुळे वाढती रुग्णसंख्या आटोक्यात ठेवण्यात सरकारला यश आलंय. परंतू मृत्यूदर कमी होत नसल्यामुळे सरकारसमोरची चिंता कायम आहे. राज्यात आज ६९५ जणांचा कोरोनामुळे मृत्यू झाला आहे. त्यामुळे दुसऱ्या लाटेचं संकट अजुनही पूर्णपणे टळलेलं दिसत नाहीये.

दुसरीकडे मुंबईतल्या रुग्णसंख्येतही आजच्या दिवशी कमालीची सुधारणा होताना दिसत आहे. मुंबईत १६५७ नवे रुग्ण सापडले असून ६२ जणांचा कोरोनामुळे मृत्यू झाला आहे.

#CoronavirusUpdates
१४ मे, संध्या. ६:०० वाजता#कोरोना_ला_ना #NaToCorona pic.twitter.com/tWLXpyKH0P

— माझी Mumbai, आपली BMC (@mybmc) May 14, 2021

कोरोनाच्या दुसऱ्या लाटेचा सामना करत असलेल्या महाराष्ट्रात लसींच्या तुटवड्यामुळे राज्य सरकारला १८ ते ४४ वयोगटाचं लसीकरण थांबवावं लागलंय. मुंबईत अनेक केंद्रावर लसीचा पुरेसा साठा नसल्यामुळे लोकांना परत जावं लागतंय. अशा परिस्थितीत मुंबई महापालिकेने शनिवार-रविवारी लसीकरण बंद ठेवलं आहे.

लसीकरणाबद्दलची पुढची माहिती नागरिकांना लवकरच कळवण्यात येईल असं महापालिकेने आपल्या सोशल मीडिया अकाऊंटवरुन जाहीर केलंय.

मुंबईकरांनो,

आम्ही सूचित करू इच्छितो की १५ व १६ मे, २०२१ रोजी लसीकरण प्रक्रिया बंद ठेवण्यात येत आहे.

लसीकरणाविषयी पुढील माहिती आपल्याला लवकरच कळवण्यात येईल.#MyBMCVaccinationUpdate #WeShallOvercome #MyBMCUpdates

— माझी Mumbai, आपली BMC (@mybmc) May 14, 2021