आम्हाला नेस्तनाबूत होण्यापासून वाचवा…जाणून घ्या कोणत्या खेळाडूने जागतिक नेत्यांना केलं मदतीचं आवाहन

सध्याच्या घडीला तालिबानने अफगाणिस्तानच्या पुर्वोत्तर भागांवर नियंत्रण मिळवलं आहे.

अफगाणिस्तानात सुरु असलेल्या या संघर्षामुळे व्यथित झालेल्या राशिदने ट्विटरवर आपल्या भावना मांडल्या आहेत.

Dear World Leaders! My country is in chaos,thousand of innocent people, including children & women, get martyred everyday, houses & properties being destructed.Thousand families displaced..
Don’t leave us in chaos. Stop killing Afghans & destroying Afghaniatan??.
We want peace.?

— Rashid Khan (@rashidkhan_19) August 10, 2021

जगभरातील प्रिय नेत्यांनो, माझा देश सध्या संकटात आहे. सर्वत्र अराजकता आहे. प्रत्येक दिवशी हजारो निष्पाप नागरिक, महिला, मुलं आपला जीव गमावत आहेत. घरांचं नुकसान होत आहे, हजारो परिवार बेघर होत आहेत. आम्हाला अशा परिस्थितीत मरण्यासाठी सोडू नका, अफगाणिस्तानी नागरिकांच्या हत्या थांबवा…आम्हाला शांतता हवी आहे. राशिद खान इंग्लंडमध्ये सध्या ‘द हंड्रेड’ या स्पर्धेत खेळत आहे.

अमेरिकन सैन्याने अफगाणिस्तानातून माघार घेतल्यानंतर तालिबानी फौजांची दहशत अफगाणिस्तानात वाढली आहे. काही दिवसांपूर्वीच तालिबानने एका मुलीची घट्ट कपडे घालून एकटी फिरत असल्यामुळे हत्या केली.