महाराष्ट्रात लस तुटवडा, मुंबईत लसीकरण तीन दिवस बंद; गुजरातला मिळणार 2 कोटी 50 लाख लसी

Gujarat government will receive 2 crore doses of Covishield vaccine from Serum Institute of India & 50 lakh doses of Covaxin from Bharat Biotech. I request people above 18 years of age to take vaccines whenever we get the stock in the next 15 days: CM Vijay Rupani

(file photo) pic.twitter.com/rB4GPDf6l8

— ANI (@ANI) April 29, 2021

महाराष्ट्राला लस तुटवडा जाणवत असल्याने १ मे पासून सुरू होणारी लसीकरण मोहीमही सध्या सुरू होणार नाही असं आरोग्यमंत्री राजेश टोपे यांनी स्पष्ट केलं आहे. एवढंच नाही तर महाराष्ट्रात विशिष्ट टप्पे ठरवून लसीकरण केंद्रांवर गर्दी होणार नाही हे पाहून लसीकरण मोहीम सुरू केली जाईल असंही राजेश टोपे यांनी सांगितलं आहे. पहिल्या टप्प्यात 35 ते 44 या वयोगटाला लसी, त्यानंतर 25 ते 34 हा वयोगट आणि मग 18 ते 24 हा वयोगट असे तीन टप्पे करण्यात येतील, जेणेकरून लसीकरण केंद्रांवर गर्दी होणार नाही असाही विचार आम्ही सरकार म्हणून करतो आहोत असंही राजेश टोपे यांनी सांगितलं. एकीकडे महाराष्ट्रात ही परिस्थिती आहे आणि दुसरीकडे गुजरातला अडीच कोटी डोस मिळणार आहेत.

महाराष्ट्रातल्या मुंबईत तीन दिवस लसीकरण बंद राहणार आहे कारण लसींचा पुरेसा साठा आलेला नाही. तर दुसरीकडे गुजरातला कोट्यवधी डोस मिळणार आहेत असं सांगण्यात आलं आहे. याआधीही गुजरातला ६ कोटी लोकसंख्या असलेल्या गुजरातला 1 कोटी चार लसी आणि 12 कोटीहून जास्त लोकसंख्या असेलल्या महाराष्ट्राला 1 कोटी 5 लाख लसी असा भेदभाव का करण्यात येतो आहे असा प्रश्न राजेश टोपे यांनी विचारला होता. लसीकरण, रेमडेसिवीर, ऑक्सिजन यावरून राजकारण रंगलेलं पाहण्यास मिळालं. आता पुन्हा एकदा गुजरातला अडीच कोटी लसी उपलब्ध होणार आहेत आणि महाराष्ट्रात अॅक्टिव्ह केसेस जास्त असूनही महाराष्ट्रात लस तुटवडा जाणवतो आहे असं चित्र आहे.