महाराष्ट्रात पुन्हा Lockdown लागणार का? राजेश टोपे म्हणतात…

सोशल डिस्टन्सिंग प्रत्येकाने पाळलंच पाहिजे तसंच मास्क हा प्रत्येकाने लावणं अनिवार्य केलं आहे असंही राजेश टोपे यांनी स्पष्ट केलं. लोकांनी स्वयंशिस्त पाळून सरकारला सहकार्य करावं. ट्रॅकिंग, ट्रेसिंग, टेस्टिंग या तीन सूत्रांवर काम सुरू आहे. सर्व सामाजिक आणि शासकीय कामांना निर्बंध घातले आहेत. काही ठिकाणी नाईट कर्फ्यू, लॉकडाऊन आहे. मात्र लॉकडाऊन हा पर्याय नाही असं राजेश टोपेंनी स्पष्ट केलं.

लॉकडाऊनबाबत काय म्हणाले आहेत राजेश टोपे?

लॉकडाऊन लावण्याची सरकारची इच्छा नाही. लॉकडाऊन आम्ही करणार नाही पण आम्ही सातत्याने हे सांगतो आहोत की कठोर निर्णय घ्यायला भाग पाडू नका. लोकांनी मास्क लावावा, सुरक्षित अंतर ठेवावं आणि

राज्यात मृत्यूदर कमी झाला आहे मात्र प्रसार वाढला आहे. सुमारे ८५ टक्के लोक लक्षणं न दिसणारे आहेत. बरेच लोक राज्यात होम क्वारंटाईन आहेत. हॉस्पिटल्स किंवा कोव्हिड सेंटरमध्ये बेड्स उपलब्ध आहेत. आपल्याला या सगळ्या पार्श्वभूमीवर लसीकरण वाढवावं लागेल. त्यामुळे रोज आपण १ ते सव्वा लाख लोकांना लस दिली आहे. आत्तापर्यंत आपण ३० लाख लोकांना कोरोना प्रतिबंधक लस दिली आहे अशी माहिती आरोग्य मंत्री राजेश टोपे यांनी दिली आहे.