सर्व महत्वाच्या केसेस वाझेंकडेच कशा सोपवल्या जातात?

मनसुख हिरेन प्रकरणात पोस्ट मार्टम पूर्ण, ठाणे पोलीस म्हणतात…

श्री सचिन वाझे ह्यांनी 2008 साली शिवसेनेत प्रवेश केला होता. त्यामुळे ह्या प्रकरणाचा गूढ अधिकच वाढले आहे. सगळ्या महत्वाच्या केसेस ह्या त्यांच्या कडेच का सोपवल्या जातात??? तसेच शिवसेनेचे मुख्यमंत्री झाल्यावर सचिन वाझे पुन्हा शासकीय सेवेत कसे रुजू होतात???

— Sandeep Deshpande (@SandeepDadarMNS) March 6, 2021

मनसे नेते संदीप देशपांडे यांनी आपल्या ट्विटर अकाऊंटवरुन हा प्रश्न विचारला आहे. २००८ साली सचिन वाझे यांनी शिवसेनेच प्रवेश केला होता. शिवसेनेचे मुख्यमंत्री झाल्यावर वाझे पुन्हा शासकीय सेवेत कसे रुजु होतात, त्यामुळे या प्रकरणातले गुढ वाढले आहे असं म्हणत देशपांडे यांनी सचिन वाझेंच्या सहभागावरुन शिवसेनेला कोंडीत पकडलं आहे.

दरम्यान मुकेश अंबानी यांच्या घराबाहेर सापडलेल्या संशयित स्कॉर्पिओ आणि याप्रकरणी सचिन वाझेंचा सहभाग यावरुन विधानसभेत शुक्रवारी सत्ताधारी आणि विरोधकांमध्ये खडाजंगी झालेली पहायला मिळाली. स्कॉर्पिओ कार जेव्हा अँटेलियाबाहेर सापडली तेव्हा सर्वात आधी तिथे सचिन वाझे कसे पोहचले? स्कॉर्पिओ प्रकरणाचा तपास सचिन वाझेंकडेच का देण्यात आला? स्कॉर्पिओचा मालक क्रॉफर्ड मार्केटमध्ये कुणाला भेटला होता? हे आणि असे प्रश्न देवेंद्र फडणवीस यांनी उपस्थित केले. ज्यानंतर दोन तासातच स्कॉर्पिओचे मालक मनसुख हिरेन यांचा मृतदेह मुंब्रा येथील खाडीत सापडल्याची बातमी समोर आली. या प्रकरणात अनेक योगायोग कसे ? असाही प्रश्न देवेंद्र फडणवीस यांनी उपस्थित केला.

सचिन वाझेंवरून सत्ताधारी आणि विरोधकांमध्ये विधानसभेत खडाजंगी