Remdesivir इंजेक्शनविषयी एक महत्त्वाची बातमी, केंद्रीय पथकाने पाहा काय दिलेत निर्देश

केंद्रीय आरोग्य पथकाकडून मागील तीन दिवसांपासून अमरावती जिल्ह्यातील विविध कोविड रुग्णालयांची तपासणी करण्यात येत आहे. पथकाच्या उपस्थितीत सर्व कोविड रुग्णालयातील डॉक्टरांची बैठक आज जिल्हाधिकारी कार्यालयात झाली.

नागपूर : रेमिडेविसीर इंजेक्शन यापुढे मेडीकलमध्ये विकण्यास बंदी

रेमडीसीविरचा काळा बाजार होता कामा नये!

‘रेमडीसीविर’चा गरज असलेल्या रुग्णावरच त्याचा वापर व्हावा. त्याच्या वापराबाबत अचूक नोंदी ठेवा. जिल्ह्यात उपलब्ध इंजेक्शन येथील गरजू रुग्णांसाठीच वापरले जावे. इतर जिल्ह्यात जाऊ नये. कुठेही ‘ब्लॅक मार्केट’ला थारा मिळता कामा नये. ऑक्सिजनचाही गैरवापर होऊ नये. गरजूंना ते वेळीच उपलब्ध व्हावे. ऑक्सिजनचा वापर केव्हा करावा, याबाबत कर्मचाऱ्यांचे प्रशिक्षण घ्यावे. इंजेक्शन, इतर सेवा व औषधांचा दरफलक रुग्णालयात ठळकपणे लावावा. शासनाच्या मार्गदर्शक सूचना पाळा, असे स्पष्ट निर्देश पथकाने दिले.

जिल्ह्यातील रुग्णांसाठी खाटा आरक्षित

अमरावती जिल्ह्यातील रुग्णालयात नागपूर, यवतमाळ, वाशिम, अकोला, छिंदवाडा आदी परिसरातील अनेक रुग्ण उपचार घेतात. या स्थितीत जिल्ह्यातील रुग्णांसाठी खाटा उपलब्ध असणे गरजेचे आहे. त्यामुळे शासकीय रुग्णालयांतील 40 टक्के खाटा व खासगी रुग्णालयांतील 25 टक्के खाटा जिल्ह्यातील रुग्णांसाठी आरक्षित ठेवण्याचे निर्देश पथकाने दिले.

284 रेमडेसिवीर इंजेक्शन्ससह दोघांना अटक, मुंबई पोलिसांची कारवाई

अग्निशमन यंत्रणा कार्यान्वित हवी

रुग्णालयांनी फायर ऑडिट करणे आवश्यक आहे आणि ते केल्यानंतरही अग्निशमन यंत्रणेची नियमित तपासणी, आवश्यक नूतनीकरण वेळीच होणे गरजेचे आहे, असेही पथकाने नमूद केले.

‘डिस्चार्ज’ची माहिती पालिकेला कळवा

रुग्णालयातून उपचारानंतर घरी परतणाऱ्या रुग्णांची माहिती महापालिकेला व संबंधित स्थानिक स्वराज्य संस्थांना वेळीच कळवावी जेणेकरून पालिकेला त्यांच्याशी समन्वय साधून आवश्यक संपर्क, समुपदेशन आदी कार्यवाही करता येईल, असे निर्देशही पथकाने दिले.

चांदूर बाजार येथील आरोग्यम रुग्णालयात विलगीकरण व इतर व्यवस्था अपुरी जाणवत असल्याने तिथे अशी व्यवस्था होईपर्यंत तेथील सेवा स्थगित करण्यात आली आहे.