Jammu Airbase Blast : ड्रोनद्वारे जम्मू विमानतळं स्फोटकं टाकली, यंत्रणा हाय अलर्टवर

रविवारी मध्यरात्रीदरम्यान पाच मिनीटांच्या फरकाने हे दोन स्फोट झाले. भारतीय हवाई दलाने या वृत्ताला दुजोरा दिला असून या स्फोटांत हवाई दलाच्या कोणत्याही उपकरणांना धोका पोहचलेला नसल्याचं हवाई दलाने स्पष्ट केलंय.

Two low intensity explosions were reported early Sunday morning in the technical area of Jammu Air Force Station. One caused minor damage to the roof of a building while the other exploded in an open area.

— Indian Air Force (@IAF_MCC) June 27, 2021

There was no damage to any equipment. Investigation is in progress along with civil agencies.

— Indian Air Force (@IAF_MCC) June 27, 2021

या हल्ल्यासाठी वापरण्यात आलेले ड्रोन हे हवाई दलाच्या रडारवर आले नाहीत. हवाई दलातील वरिष्ठ अधिकाऱ्यांनी याबद्दल इंडिया टुडेशी बोलताना माहिती दिली. “IED टाकण्यासाठी ड्रोनचा वापर करण्यात आला असावा असा अंदाज आहे. या भागात हवाई दलाच्या विमानांवर हे आयईडी टाकण्याचा प्रयत्न होता. याआधीही सीमेपलीकडून काश्मीरमध्ये शस्त्र पाठवण्यासाठी ड्रोनचा वापर झाला होता.”

दरम्यान या घटनेची वरिष्ठ पातळीवर दखल घेण्यात आली असून या भागात बंदोबस्त वाढवण्यात आला आहे. या स्फोटानंतर Air Marshal विक्रम सिंग परिस्थितीचा आढावा घेण्यासाठी जम्मूमध्ये जाणार आहेत. संरक्षण मंत्री राजनाथ सिंग यांनीही हवाई दलाच्या सर्व वरिष्ठ अधिकाऱ्यांशी चर्चा केली आहे.