Mahul Landslide : भिंत खचली, चूल विझली! जेव्हा पाऊस काळ बनून येतो..

रविवारचा दिवस मुंबईकरांसाठी काळा दिवस ठरला आहे. चेंबूर परिसरातील माहुल भागात मुसळधार पावसामुळे घराची भिंत कोसळून १७ जणांना आपले प्राण गमवावे लागले आहेत. मध्यरात्री घडलेली ही घटना सकाळी उघडकीस आल्यामुळे मृतांचा आकडा १७ पर्यंत पोहचला आहे. या भागात अग्निशमन दल आणि एनडीआरएफच्या जवानांचं बचावकार्य अजुनही सुरु आहे.

भूस्खलनामुळे माहुल येथे घरांची झालेली अवस्था. एका झाडाची फांदी घरावर कोसळून हा अपघात झाल्याचं कळतंय.

अनेक कष्टकरी वर्ग या भागात राहतो. परंतू एक दिवसाच्या पावसाने या लोकांच्या संसारात अशा पद्धतीने पाणी आणि चिखल फिरवला आहे.

या दुर्घटनेत अनेक घरांचं नुकसान झालं असून आता या नुकसानातून स्वतःला कसं सावरायचं हा प्रश्न इथल्या लोकांपुढे आहे.

दुर्घटनेत प्राण गमावलेल्या लोकांच्या नातेवाईकांना पंतप्रधान कार्यालयाने २ लाखांची आर्थिक मदत जाहीर केली आहे.

या अपघातानंतर मुंबईत दरड प्रवण क्षेत्रात राहणाऱ्या लोकांच्या जीवनाचा प्रश्न पुन्हा एकदा प्रामुख्याने समोर आला आहे.

मध्यरात्री घडलेल्या या दुर्घटनेनंतर सकाळपर्यंत NDRF आणि अग्नीशमन दलाचे जवान डॉग स्कॉडच्या सहाय्याने रेस्क्यु ऑपरेशन पार पाडत होते.