बुलढाणा : माथेफिरु व्यक्तीने स्वतःचं दुकान आणि स्कुटी जाळली, दोन जणं जखमी

गजानन विडोले असं या माथेफिरुचं नाव आहे. गजाननचं डोनगावमध्ये स्वतःचं गॅस वेल्डिंगचं दुकान आहे. गजानने आज आपलं दुकान बंद करुन स्कुटीला आग लावून दिली. यावेळी दुकानात ठेवलेलं ६० किलो कार्बेट आणि ऑक्सिजन सिलेंडरचा स्फोट झाल्यामुळे जोरदार स्फोट झाला. या आगीची तीव्रता इतकी मोठी होती की काही वेळासाठी या भागात वाहतूक कोंडी झाली होती.

पुण्याहून गोव्याकडे निघालेली बस जळून खाक, 37 प्रवासी बालंबाल बचावले

या आगीमुळे आजुबाजूच्या किमान १६ दुकानांचं ७ लाखांपेक्षा जास्त नुकसान झालं आहे. या आगीत दोन जणं जखमी झाले असून जिवीतहानी झालेली नाही. गजाननने ही आग का लावली याचं कारण अद्याप समजू शकलेलं नाहीये. पोलिसांनीही यात अद्याप गुन्हा दाखल केला नाहीये.