Marathi News Live : आदित्य ठाकरेंचे निकटवर्ती सूरज चव्हाण यांना अटक- खिचडी घोटाळ्याप्रकरणी ईडीची कारवाई

कोविड खिचडी घोटाळ्यात आदित्य ठाकरे यांचे जवळचे सहकारी सूरज चव्हाण यांना ईडीकडून अटक करण्यात आली आहे. गेल्या काही दिवसांपासून सूरज चव्हाण यांच्या नावाची जोरदार चर्चा करण्यात येत होती. खिचडी वाटपच्या कंत्राटावरून सूरज चव्हाण यांना अटक करण्यात आल्याचे सागंण्यात येत आहे. त्या कंत्राट देताना मोठे फेरफार झाल्याचे सांगत त्यामध्ये बदल करण्यात आले होते असा आरोपही करण्यात आला आहे.

राज्यात असलेल्या दोन इंजिनच्या सरकारमुळे उद्योजकांची महाराष्ट्रातील गुंतवणूक वाढत आहे. आगामी काळातही मोठी गुंतवणूक होणार असून त्याचा फायदा राज्याला मोठ्या प्रमाणात होणार आहे. साडेतीन लाख कोटीची गुंतवणूक जी होते असल्याने जागतिक आर्थिक परिषदेमध्ये राज्याला चांगले यश मिळाले असल्याचे दावोसमधून मुख्यमंत्री एकनाथ शिंदे यांनी सांगितले.

निवडणूक आयोगाच्या अटी आणि नियम आहेत म्हणून हे भाजप आणि राष्ट्रीय स्वयंसेवक संघवाले आपल्या पक्षाच्या चिन्हावर रामाचे चित्र वापरत नाहीत. नाही तर त्यांनी कमळ काढून तेच चित्र वापरले असते असा टोला आमदार जितेंद्र आव्हाड यांनी लगावला आहे. यावेळी त्यांंनी भाजपवर निशाणा साधताना मंदिर वहीं बनाएंगे जगह नही बताएंगे असा टोलाही त्यांनी त्यांना लगावला.

पश्चिम महाराष्ट्रात येणाऱ्या पुराचे पाणी दुष्काळी भागात वळवण्यासाठी सातारा, सांगली, कोल्हापूर, सोलापूर विभागातल्या दुष्काळी भागात पाणी वळवण्यात येणार असल्याची माहिती उपमुख्यमंत्री देवेंद्र फडणवीस यांनी सांगितले. या प्रकल्पासाठी केंद्र सरकारनेही मान्यता दिली असल्याचेही त्यांनी सांगितले. या प्रकल्पाला मान्यता दिल्यामुळे पुराचे पाणी आता कुठल्याही शहरात घुसणार नाही आणि कुठल्याही शहरात मोठ्या प्रमाणात पूर येणार नाही हे सर्व पाणी दुष्काळी भागात वळवणार असल्याने यामुळे पुरापासून महाराष्ट्राचे संरक्षण होणार असल्याचेही त्यांनी स्पष्ट केले.

mumbaitak

mumbaitak

बीडच्या माजलगावातील परभणी चौकात सर्वपक्षीयांच्या वतीने रास्ता रोको करण्यात आला. या रास्ता रोकोत माजलगांव-तेलगाव रस्त्यासह पिक विमा त्वरित शेतकऱ्यांच्या खात्यात जमा करा, माजलगाव तालुका दुष्काळग्रस्त जाहीर करा, चालका विरुद्ध आणलेला नवीन कायदा रद्द करा या मागण्या करण्यात आल्या. यावेळी शेकाप, माकप, भाकप, काँग्रेस, राष्ट्रवादी, वंचित आघाडी, मौलाना आझाद मंच, सह सर्वपक्षीयांच्या कार्यकर्त्यांनी सहभाग घेतला यावेळी तब्बल चार किलोमीटर वाहनाच्या रांगा गेल्या होत्या.

mumbaitak

अंबादास दानवे यांनी आज बुलढाणा जिल्ह्यात पत्रकार परिषद घेतली. यावेळी राहुल नार्वेकर यांनी उद्धव ठाकरे धमक्या देत असल्याचा प्रश्न पत्रकारांनी केला होता. यावर उत्तर देताना अंबादास दानवे म्हणाले की, धमकी देणं हा शिवसेनेचा स्वभाव आहे, जर तुम्ही असं केलंत. धमकी देऊ नका तर अंबादास दानवे म्हणाले.तुम्ही काय विनंती करणार, आम्ही धमकी दिली नाही, धमकी दिली असती तर रस्त्यावर उतरू शकलो नसतो, असे दानवे म्हणाले आहेत.

जर केली नसती सुरत गुवाहाटी, तर कशाला झाली असती दाटीवाटी..असे कॅप्शन लिहून सुषमा अंधारे यांनी सत्ताधांऱ्यांना डिवचलं आह

ते सुद्धा कमळाच्या चिन्हावर लढणार आहेत असा मी ऐकत आहे .मुळात ती शिवसेना नाही आहे हा ओढून ताणून केलेला प्रकार आहे, ही शिवसेना कशी असू शकते. शिवसेना इकडे आहे आम्ही 23 जागा लढत आहे. या आधी सुद्धा लढत आहे आणि त्याच्यानंतर ही लढू ही खरी शिवसेना आहे.आताची शिवसेना ही पाकीट मारी आहे.दुसऱ्याचे पाकीट मारायचं आणि आपल्या खिशात ठेवायचा तशी शिवसेना फार काळ टिकणार नाही, असा टोला राऊतांनी मुख्यमंत्री शिंदे यांना लगावला.

mumbaitak

महाराष्ट्र सैनिकांवर आंदोलनाचे अनेक गुन्हे दाखल आहेत. कोर्टात तुम्हाला वर्षानुवर्ष केसेस लढाव्या लागतात. न्याय मिळेल की नाही याची अपेक्षा नसते. त्यामुळे महाराष्ट्र सैनिकांनी त्यांच्या त्यांच्या शाखेत एक एक जनता न्यायालय बसवावं आणि या न्यायालयात आपल्यावरी केसेस चालवून आपली निर्दोष सुटका करून घ्यावी. गरज भासल्यास वकीलांनाही बोलवावे,असे मनसे नेते संदिप देशपांडे यांनी सांगितले आहे.

शिवसेना उद्धव ठाकरे गटाकडून रश्मी ठाकरे यांच्या मार्गदर्शनाखाली स्त्री संवाद यात्रा काढणार आहेत. या यात्रेची सुरुवात विदर्भात झाली असून ती बुधवारी नागपूर जिल्ह्यात दाखल होत आहे. जिल्ह्यातील रामटेक लोकसभा मतदारसंघातील सर्व विधानसभा मतदारसंघात ही यात्रा फिरणार असून महिलांशी संवाद साधणार आहे. रामटेक हा शिवसेनेचा बालेकिल्ला आहे. येथील शिवसेनेचे खासदार कृपाल तुमाने हे शिंदे गटासोबत आहेत. त्यामुळे ही जागा उद्धव ठाकरे गटांसाठी महत्वाची आहे.