Rane vs Shivsena वादावर मनसे आमदारांचं खोचक ट्वीट…म्हणाले सामान्य माणसाला मानच नाही

या राड्यावर मनसे आमदार राजू पाटील यांनी खोचक ट्विट करत दोन्ही पक्षांना टोला लगावला आहे.

लॉकडाउनच्या काळात हालअपेष्टा भोगत असलेल्या सामान्य माणसाला या काळात चिखलफेक आणि दगडफेक पहावी लागत आहे असं ट्वीट राजू पाटील यांनी केलं आहे.

जंगी ‘सामना’… तंगी ‘प्रहार’
चिखलफेक x दगडफेक…
प्रेक्षक: लॅाकडाऊनने भरडला गेलेला सामान्य माणूस.

— Raju Patil ( प्रमोद (राजू) रतन पाटील ) (@rajupatilmanase) August 24, 2021

यावेळी राजू पाटील यांनी राज्यातील अपुरं लसीकरण, बेरोजगारी, महागाई यासारख्या प्रकरणांवरुनही दोन्ही पक्षांना टोले लगावले.

अपमान अपुऱ्या लसीकरणाने होत नाही,
अपमान वाढलेल्या बेरोजगारीने होत नाही,
अपमान प्रचंड महागाईने होत नाही,
सामान्य माणसाला मानच नाही देत हे लोक तर अपमान कसा होईल ?

— Raju Patil ( प्रमोद (राजू) रतन पाटील ) (@rajupatilmanase) August 24, 2021

मी असतो तर कानाखाली लगावली असती असं वक्तव्य नारायण राणेंनी मुख्यमंत्री उद्धव ठाकरेंना उद्देशून महाडमध्ये सोमवारी केलं. यानंतर आज दिवसभरात राज्यात शिवसैनिक रस्त्यावर उतरले असून प्रत्येक ठिकाणी राणेंविरुद्ध घोषणाबाजी सुरु आहे. जन आशिर्वाद यात्रेदरम्यान राणे संगमेश्वरमध्ये असताना रत्नागिरी पोलिसांनी त्यांना ताब्यात घेतलं आहे. त्यामुळे या प्रकरणी आता पुढे काय कारवाई होते हे पाहणं महत्वाचं ठरणार आहे.