Shocking : नाशिकमध्ये अभ्यास न करणाऱ्या मुलाचा खून करून आईने केली आत्महत्या

मृतदेहाजवळ शिखा यांची चिठ्ठी आढळून आली. त्‍यामध्ये सर्वच निर्णय मी स्वखुशीने घेते आहे, त्यात कोणाचीही चूक नाही असे लिहले होते.या प्रकरणी इंदिरानगर पोलीस ठाण्यात आकस्मिक मृत्यूची नोंद करण्यात आली आहे. पोलिसांनी केलेल्या तपासात रिधान अभ्यास करत नसल्याचा शिखा यांना राग येत होता व त्यामुळे त्यांची चिडचिड होत होती. त्यातूनच त्यांनी मुलाचा खून करून स्वत: आत्महत्या केल्याचे समोर आले आहे.

सोमवारी शिखा यांनी बेडरुमचा दरवाजा लावून घेतला. बराच वेळ झाला तरी प्रतिसाद न मिळाल्याने सुरेश गंगाराम पाठक यांनी मुलास बोलवून घेत बेडरुमचा दरवाजा तोडला. त्यावेळी शिखा या गळफास घेतलेल्या अवस्थेतील मृतदेह आढळून आला, तर रिधानच्या नाकातून रक्त येत होते. त्यामुळे कुटुंबियांनी रिधानला दवाखान्यात दाखल केले असता त्याचा मृत्यू झाल्याचे डॉक्टरांनी सांगितले. रिधानला नेमकं कसं ठार केलं ते समजू शकलेलं नाही. रिधानला ठार केल्यानंतर शिखा यांनी गळफास घेऊन आत्महत्या केली आहे.