NCP Leader आणि जलसंपदा मंत्री जयंत पाटील यांची प्रकृती बिघडली, ब्रीच कँडी रूग्णालयात दाखल

राष्ट्रवादी काँग्रेसचे नेते आणि जलसंपदा मंत्री जयंत पाटील यांची प्रकृती बिघडली आहे. त्यांना उपचारांसाठी ब्रीच कँडी रूग्णालयात दाखल करण्यात आलं आहे. मंत्रिमंडळ बैठक सुरू असताना जयंत पाटील यांना त्रास सुरू झाला. त्यामुळे बैठक अर्धवट सोडून जयंत पाटील हे रूग्णालयाकडे रवाना झाले. त्यांना अस्वस्थ वाटू लागल्याने ते रूग्णालयात दाखल झाले आहेत. त्यांच्यासोबत राज्याचे आरोग्यमंत्री राजेश टोपे, जितेंद्र आव्हाड, सतेज पाटील आणि इतर काही मंत्री आहेत अशीही माहिती कळते आहे. सध्या त्यांची प्रकृती स्थिर असून त्यांची तपासणी सुरू असल्याचं सांगण्यात येतं आहे.