उस्मानाबाद : धारासूरमर्दिनी मंदिरात ३४० फुटांची भव्य रांगोळी, दुर्गारुपी स्त्रीशक्तीला मानवंदना

या रांगोळी मध्ये राष्ट्रमाता जिजाऊ मॉसाहेब, क्रांतिज्योती सावित्रीबाई फुले, अहिल्यादेवी होळकर, रमाई आंबेडकर झाशीची राणी लक्ष्मीबाई, आनंदीबाई जोशी, सिंधुताई सपकाळ, किरण बेदी, कल्पना चावला या स्त्रीशक्तींना मानवंदना देण्यात आली आहे. रांगोळीमध्ये देवीच्या वेशभूषा असलेली लहानशी निरागस चिमुकली 17 बाय 20 फुट आकारात साकारलेली आहे.

या रांगोळीसाठी कलायोगी आर्ट्सचे संचालक राजकुमार कुंभार यांच्या मार्गदर्शनात स्वप्नील कुंभार, दीपराज भोकरे, निकीता लाड, शंखिनी साखरे, जय पंडीत या विद्यार्थ्यांनी तब्बल 13 तास परिश्रम घेतले. रांगोळी साकारण्यासाठी 45 किलो रांगोळीचा वापर करण्यात आल्याचे राजकुमार कुंभार यांनी सांगितले.