Pandharpur By-election Result: पंढरपुरात भाजपकडून राष्ट्रवादीचा ‘करेक्ट कार्यक्रम’, समाधान आवताडेंचा निर्णायक विजय

पंढरपूर: पंढरपूर-मंगळवेढा विधानसभा पोटनिवडणूक ही अत्यंत अटीतटीची ठरली आहे. पण या अटीतटीच्या निवडणुकीत भाजपचे उमेदवार समाधान आवताडे यांनी अखेरच्या क्षणी विजय मिळवला आहे. या पोटनिवडणुकीत भारतीय जनता पक्षाचे उमेदवार समाधान आवताडे यांचा जवळजवळ 3733 मतांनी विजय झाला आहे. त्यांनी राष्ट्रवादी काँग्रेसच्या भगीरथ भालके यांचा पराभव केला आहे. मागील काही दिवसांपासून पंढरपूर पोटनिवडणुकीकडे अवघ्या महाराष्ट्राचं लक्ष लागून राहिलं होतं. कारण राष्ट्रवादी काँग्रेस आणि भाजप या दोन्ही पक्षांनी ही निवडणूक प्रतिष्ठेची केली होती.

यंदा कोरोनाच्या महामारीमुळे कोरोनाचे नियमांचे पालन करीत अतिशय काटेकोरपणे ही मतमोजणी पार पडली. यावेळी तब्बल 38 फेऱ्यांनंतर या निवडणुकीचा निकाल हाती आला आहे. दरम्यान, या विजयामुळे भाजपची राज्यातील ताकद आणखी वाढली असल्याचं बोललं जात आहे.

पंढरपूरच्या अंतिम आकडेवारीनुसार भाजपचे उमेदवार समाधान आवताडे यांनी 1 लाख 9 हजार 451 मतं मिळवून विजयी झाले आहेत. तर राष्ट्रवादी काँग्रेसचे उमेदवार भगीरथ भालके यांनी देखील तब्बल 1 लाख 5 हजार 717 मतं मिळवली. त्यामुळे अवघ्या 3733 मतांनी समाधान आवताडे हे विजयी झाले आहेत.

दिवंगत आमदार भारत भालके यांच्या अकाली निधनामुळे रिक्त झालेलल्या जागेसाठी लागलेल्या पोटनिवडणुकीकरिता 17 एप्रिलला मतदान पार पडलं होतं. यावेळी येथे मोठ्या प्रमाणात मतदान झालं होतं. याच निवडणुकीची मतमोजणी आज पार पडली. ज्यामध्ये भाजपने विजय मिळवला आहे.

LIVE UPDATE:

• पहिली फेरी

भाजप: समाधान आवताडे :2844

राष्ट्रवादी: भगीरथ भालके :2494

शैलजा गोडसे: 51

सचिन पाटील: 0

सिद्धेश्वर आवताडे: 10

समाधान अवताडे हे 350 मतांनी पुढे

• एकोणवीसावी फेरी

  भाजप: समाधान आवताडे: 55559

  राष्ट्रवादी: भगीरथ भालके: 54664

  भाजपचे समाधान आवताडे हे 895 मतांनी पुढे

• वीसावी फेरी

  भाजप: समाधान आवताडे: 58787

  राष्ट्रवादी: भगीरथ भालके: 57046

  भाजपचे समाधान आवताडे हे 1741 मतांनी पुढे

• एकवीसवी फेरी

  भाजप: समाधान आवताडे: 62056

  राष्ट्रवादी: भगीरथ भालके: 58809

  भाजपचे समाधान आवताडे हे 3247 मतांनी पुढे

• बावीसवी फेरी

  भाजप: समाधान आवताडे: 64810

  राष्ट्रवादी: भगीरथ भालके: 60864

  भाजपचे समाधान आवताडे हे 3946 मतांनी पुढे

• तेवीसवी फेरी

  भाजप: समाधान आवताडे: 68602

  राष्ट्रवादी: भगीरथ भालके: 62974

  भाजपचे समाधान आवताडे हे 5628 मतांनी पुढे

• चोवीसवी फेरी

  भाजप ; समाधान आवताडे :71584

  राष्ट्रवादी : भगीरथ भालके :62528

  भाजपचे समाधान आवताडे हे 6056 मतांनी पुढे

• पंचवीसवी फेरी

  भाजप: समाधान आवताडे: 75073

  राष्ट्रवादी: भगीरथ भालके: 68739

  भाजपचे समाधान आवताडे हे 6334 मतांनी पुढे

• सव्वीसावी फेरी

  भाजप: समाधान आवताडे: 77434

  राष्ट्रवादी: भगीरथ भालके: 71112

  भाजपचे समाधान आवताडे हे 6317 मतांनी पुढे

• सत्तावीसवी फेरी

  भाजप: समाधान आवताडे: 80557

  राष्ट्रवादी: भगीरथ भालके: 73925

  भाजपचे समाधान आवताडे हे 6632 मतांनी पुढे

• अठ्ठावीसवी फेरी

  भाजप: समाधान आवताडे: 83779

  राष्ट्रवादी: भगीरथ भालके: 76716

  भाजपचे समाधान आवताडे हे 7063 मतांनी पुढे

• एकोणतीसवी फेरी

  भाजप ; समाधान आवताडे :86205

  राष्ट्रवादी : भगीरथ भालके :80033

  भाजपचे समाधान आवताडे हे 6172 मतांनी पुढे

• तिसावी फेरी

  भाजप: समाधान आवताडे :89037

  राष्ट्रवादी: भगीरथ भालके :83127

  भाजपचे समाधान आवताडे हे 5910 मतांनी पुढे

• एकत्तीसावी फेरी

  भाजप: समाधान आवताडे: 91437

  राष्ट्रवादी: भगीरथ भालके: 85479

  भाजपचे समाधान आवताडे हे 5958 मतांनी पुढे

• बत्तीसवी फेरी

  भाजप: समाधान आवताडे: 93994

  राष्ट्रवादी: भगीरथ भालके: 88353

  भाजपचे समाधान आवताडे हे 5641 मतांनी पुढे

• तेत्तीसवी फेरी

  भाजप: समाधान आवताडे :96574

  राष्ट्रवादी: भगीरथ भालके :91629

  भाजपचे समाधान आवताडे हे 4945 मतांनी पुढे

• चौत्तीसावी फेरी

  भाजप: समाधान आवताडे :98445

  राष्ट्रवादी: भगीरथ भालके :94299

  भाजपचे समाधान आवताडे हे 4136 मतांनी पुढे

• पस्तीसावी फेरी

  भाजप: समाधान आवताडे :101607

  राष्ट्रवादी: भगीरथ भालके :97212

  भाजपचे समाधान आवताडे हे 4395 मतांनी पुढे

• छत्तीसावी फेरी

  भाजप: समाधान आवताडे 104285

  राष्ट्रवादी: भगीरथ भालके :100183

  भाजपचे समाधान आवताडे हे 4102 मतांनी पुढे

• शेवटच्या दोन फेऱ्यांमध्ये काँटे की टक्कर सुरू

• भाजपाचे समाधान आवताडे आघाडीवर

• पहिल्या व दुसऱ्या फेरीत भगीरथ भालके पिछाडीवर

• पोस्टल मतमोजणीमध्ये राष्ट्रवादी काँग्रेसचे भगीरथ भालके आघाडीवर

एकाच हॉलमध्ये सोशल डिस्टन्स पालन करून यावेळी 14 वेगवेगळे टेबल मांडण्यात आले असून त्यावर प्रत्येकी 4 कर्मचारी बसणार असून किमान 300 प्रतिनिधी आणि 160 कर्मचारी हे मतमोजणी कक्षात असणार आहेत. यावेळी कोणत्याही कार्यकर्त्याला रस्त्यावर अथवा मतमोजणी केंद्राकडे येता येणार नसून यावेळी लाऊड स्पीकरवरून होणारी अनाउन्समेंट बंद असणार आहे. दर फेरीनंतर निकालाची माहिती येथील पत्रकारांना दिली जाणार असून टीव्ही माध्यमे, रेडिओ अथवा निवडणूक आयोगाच्या अॅपवर निकालाचे अपडेट मिळणार आहेत.

524 मतदान केंद्रावर 2 लाख 34 हजार मतदारांनी केलेले मतदान मशीनद्वारे मोजले जाणार आहे. यावेळी वृद्ध व अपंग मतदारांचे आलेले टपाली मतदान 3289 आहे. तर माजी सैनिकांचे 546 मतदान आहे.

दिवंगत आमदार भारत भालके यांच्या अकाली निधनामुळे रिक्त झालेलल्या जागेसाठी लागलेल्या पोटनिवडणुकीकरिता 17 एप्रिलला मतदान पार पडलं होतं. यावेळी येथे मोठ्या प्रमाणात मतदान झालं होतं.

दिवंगत आमदार भारत भालके हे सलग तिसऱ्यांदा या मतदारसंघातून विजयी झाले होते. तीन वेगवेगळ्या पक्षातून ते सभागृहात पोहोचले होते. 2009मध्ये त्यांनी पंढरपूर विधानसभा मतदारसंघात माजी उपमुख्यमंत्री विजयसिंह मोहिते-पाटील यांचा पराभव केला होता. त्यामुळे ते पंढरपूरमध्ये जायंट किलर ठरले होते. 2019 मध्ये त्यांनी माजी आमदार सुधाकर परिचारक यांचा पराभव केला होता. विशेष म्हणजे 2019मध्ये त्यांनी काँग्रेसला रामराम ठोकत राष्ट्रवादी काँग्रेसमध्ये प्रवेश केला होता. खरंतर त्यावेळी ते काँग्रेस सोडून भाजपमध्ये जाणार असल्याच्या चर्चा होती. मात्र ऐनवेळी भारत भालकेंनी राष्ट्रवादीमध्ये प्रवेश केला होता. त्यांच्या मृत्यूनंतर मतदारसंघात रिकामी झालेल्या जागेवर आता कोण निवडून येणार हे आजच्या निकालानंतर कळेल.