नवनीत राणांच्या खासदारकीवर गंडांतर? नागपूर खंडपीठातील याचिकेवरही लवकरच निकाल लागण्याचे संकेत

नवनीत राणांची खासदारकी धोक्यात? Bombay High Court ने जात प्रमाणपत्र केलं रद्द

आनंदराव अडसूळ यांनी नवनी राणांविरोधात दोन याचिका दाखल केल्या होत्या. यातील बनावट जात प्रमाणपत्राबद्दल दाखल केलेल्या याचिकेवर मुंबई हायकोर्टाने निकाल दिला. तर नागपूर खंडपीठासमोर अडसूळ यांनी अमरावती मतदार संघाची निवडणूकच रद्द करण्यात यावी अशी याचिका दाखल केली होती. नवनीत राणा यांनी आपल्या शपथपत्रात जातीबद्दल खोटी माहिती दिल्यामुळे ही निवडणूक रद्द करण्याची मागणी अडसूळ यांनी याचिकेद्वारे केली होती.

नागपूर खंडपीठात अडसूळ यांची बाजू मांडणारे वकील राघव कवीमंडन यांनी मुंबई तक शी बोलताना याबद्दल माहिती दिली. येत्या काही दिवसांत नागपूर खंडपीठात अडसूळ यांच्या याचिकेवर निकाल लागला जाण्याची शक्यता आहे. हा निकाल नवनीत राणा यांच्याविरोधात गेल्यास राणा यांची खासदारकी धोक्यात येऊन पुन्हा एकदा पोटनिवडणुक घेतली जाऊ शकते.