पोलिसांचा मुळशी पॅटर्न ! दहशत माजवणाऱ्या आरोपींचं मुंडन करुन काढली धिंड

आरोपींनी प्रथमेश दबडे या तरुणाला मारहाण करुन त्याचा व्हिडीओ सोशल मीडियावर व्हायरल केला होता. या घटनेबद्दल वाकड पोलिसांत तक्रार दाखल करण्यात आली होती. गावगुंडांची ही दहशत मोडून काढण्यासाठी पोलिसांनी तात्काळ तपासाची चक्र फिरवत या गुन्ह्यात सहभागी असलेल्या प्रशांत आठडवे, आदित्य काटे आणि प्रेम शिंदे या आरोपींना अटक केली आहे.

अटक केल्यानंतर या तिन्ही आरोपींचं मुंडन करुन त्यांच्या हातात बेड्या ठोकून पोलिसांनी त्यांची धिंड काढली आहे. या आरोपींवर कठोर कलम लावण्यात आली असून अशा टोळक्यांवर दहशत रहावी यासाठी पोलीस प्रयत्नशील असल्याचंही आयुक्त कृष्णप्रकाश यांनी सांगितलं. या घटनेतला प्रमुख आरोपी रोहन वाघमारे उर्फ गंग्या हा अजुनही फरार असून पोलीस त्याचा शोध घेत आहेत.

भाई का बोलला नाहीस? कुत्र्यासारखं बिस्कीट खायला लावतं गावगुंडांची तरुणाला मारहाण