रणबीर कपूर आणि आलिया भट अखेरीस विवाहबंधनात

आज संध्याकाळी सात वाजता रणबीर आणि आलिया पहिल्यांदाच नवरा-बायको म्हणून मीडियासमोर येणार आहेत. रणबीर आणि आलियाच्या लग्नसोहळ्यासाठी वांद्रे येथील घराबाहेर मीडियाच्या प्रतिनिधींनी हजेरी लावली होती. लग्नसोहळ्याला कपूर आणि भट कुटुंबातील व्यक्ती आणि मित्र परिवाराने हजेरी लावली होती.

काही दिवसांतच रणबीर आणि आलियाचं रिसेप्शन होणार आहे. इंडिया टुडेने दिलेल्या माहितीनुसार रणबीरच्या एक्स गर्लफ्रेंड दिपीका पदुकोण, कतरिना कैफ या देखील या रिसेप्शनला हजेरी लावणार असल्याचं कळतंय. गेल्या काही दिवसांपासून रणबीर-आलियाच्या लग्नाची सोशल मीडियावर जोरदार चर्चा होती.