मुंबईकरांनो ‘या’ ठिकाणांवर तुमची अचानक कोरोना टेस्ट होणार, खर्चही तुमच्याकडूनच !

मुंबईत वाढत्या कोरोना रुग्णसंख्येवर नियंत्रण ठेवण्यासाठी महापालिका प्रशासनाने आता कठोर पावलं उचलण्यास सुरुवात केली आहे. शहरात गर्दी होणाऱ्या ठिकाणी म्हणजेच मॉल, रेल्वे स्टेशन (बाहेरुन मुंबईत येणाऱ्या ट्रेन), MSRTC बस डेपो, खाऊ गल्ली, फेरीवाल्यांची ठिकाणं, बाजारपेठा, पर्यटनाची ठिकाणं आणि विविध सरकारी रुग्णालयात अचानक रॅपिड अँटिजेन टेस्ट केली जाणार आहे. ही टेस्ट करुन घेण्यासाठी कोणत्याही नागरिकाने सहकार्य केलं नाही तर त्याच्याविरोधात गुन्हा दाखल करण्यात येईल.