Surya Grahan 2021 : सूर्य ग्रहण भारतात कुठे आणि कधी दिसणार वाचा सविस्तर

आज वर्षातलं पहिलं सूर्यग्रहण आहे. कृष्ण पक्षातील अमावस्या आजच आहे तसंच आज शनि जयंतीही आहे. आज लागणारं सूर्यग्रहण दुपारी 1 वाजून 42 मिनिटं ते संध्याकाळी 6 वाजून 41 मिनिटं या कालावधीत असणार आहे. संध्याकाळी 6 वाजून 41 मिनिटांनी हे ग्रहण संपणार आहे. सूर्यग्रहण वृषभ रास आणि मृग नक्षत्रात असणार आहे.

आज होणारं हे सूर्यग्रहण अमेरिका, युरोप, आशिया खंड यामध्ये अंशिक स्वरूपात पाहण्यास मिळेल. तर ग्रीनलँड, उत्तर कॅनडा आणि रशिया या देशांमध्ये पूर्ण सूर्य ग्रहण पाहता येईल. नासा ने दिलेल्या माहितीनुसार भारतात होणारं हे सूर्य ग्रहण लडाख आणि अरूणाचल प्रदेशमध्येच दिसणार आहे.

शनि जयंतीच्या दिवशी हे सूर्यग्रहण होतं आहे. भारतात हे सूर्यग्रहण फक्त अरूणाचल आणि लडाखमधे दिसणार आहे. सूर्य ग्रहण लागण्याच्या 12 तास आधी त्याचे वेध लागण्यास सुरूवात होते. ग्रहणाच्या आधी आणि ग्रहण काळात अनेक प्रकारचे नियम पाळले जातात. ग्रहण संपेपर्यंत देवाच्या मूर्तीला हात लावू नये. ग्रहणाच्या वेळी देवघराचा दरवाजा बंद करून घ्यावा. ग्रहणकाळात गरोदर महिलांनी ग्रहण पाहू नये, तसंच घराबाहेर पडू नये. ग्रहण काळात स्त्री-पुरूषांनी शारिरीक संबंध ठेवू नये. या काळात केस आणि नखं कापू नये असे काही नियम आहेत जे पाळण्यावर लोक भर देतात.